Á síðustu metrum kosningabaráttunnar heppnaðist ráðabrugg Emmanuel Macron, Frakklandsforseta, að mynda fylkingu gegn Þjóðfylkingarflokki Marine Le Pen. Samkrull vinstri manna í Nýju Alþýðufylkingunni varð sigurvegari kosninganna í Frakklandi þvert á skoðanakannanir og spár.
Búist hafði verið við að Þjóðfylkingarflokkurinn yrði sigurvegarinn og rætt um að hann ætti möguleika á meirihluta á þingi. Niðurstaðan varð hins vegar sú að Þjóðfylkingarflokkurinn kom í þriðja sæti á eftir Nýju Alþýðufylkingunni og Ensemble, flokki Macrons. Kjörsókn var mikil á franskan mælikvarða: 67,1% kusu sem er mesta þátttaka síðan 1997. Yfir 49 milljónir hafa kosningarétt til 577 þingsæta á þjóðþingi Frakka.
Brella Macrons var sú sama og sænskra krata gegn Svíþjóðardemókrötum og í öðrum löndum þar sem vinstri menn og græningjar búa til Hitlers grýlu úr því fólki sem ann ættjörð sinni og vill stöðva þau íbúaskipti sem verið er að fremja í löndum Evrópusambandsins að undanteknu Ungverjalandi og Póllandi. Reyndar er fyrirmynd flokksárása af þessu tagi sótt til sjálfs Hitlers sem komst til valda í sameinaðri flokkafylkingu sem gekk út á að útiloka hina „hættulega kommúnista“ í Þýskalandi fyrir seinni heimsstyrjöldina.
Það sem við sjáum gerast er ekkert annað en undanfari enn dýpri klofnings og vaxandi átaka stríðandi fylkinga til vinstri og hægri. Margir söguðust hafa varpað öndinni, því með sigri kommúnista var „komist hjá blóðugum óeirðum á götum Parísar“ til að mótmæla væntanlegum sigri Þjóðfylkingarflokksins. Hótanir um ofbeldi hefur mögulega hrætt einhvern til að kjósa yfir sig vinstri stefnu glóbalismans sem er að eyðileggja Vesturlönd með grænum umskiptum. Kommúnismi nútímans er grænn.
Miðað við útgönguspár eftir lokun kjörstaða í gær voru úrslitin þessi:
- Nýja Alþýðufylkingin 182 þingsæti (aðrir vinstriflokkar 14 þingsæti)
- Ensemble flokkur Macrons 160 þingsæti (aðrir miðjuflokkar 7 þingsæti)
- Þjóðfylkingarflokkurinn 142 þingsæti
- Aðrir 10 þingsæti
- Lýðveldissinnar og aðrir hægri flokkar 62 þingsæti
