Í frétt á heimasíðu Útvarps Sögu 23. janúar 2023 sem Arnþrúður Karlsdóttir segist hafa skrifað um læknaráðstefnuna í Stokkhólmi 22. janúar kemur fram að það hafi verið henni sérstakt ánægjuefni „að ná athygli hins eftirsótta Dr. Robert Malone í eina mínútu fyrir Íslendinga gegnum Útvarp Sögu.“ Með fréttinni fylgir hljóðbútur með kveðju læknisins góða til Íslendinga og hvatningu í baráttunni gegn Covid. En útvarpsstjórinn var ekki á ráðstefnunni heldur undirritaður sem skrifaði fréttina, þótt útvarpsstjórinn þykist núna hafa gert það.
Þetta er reyndar ekki eina fréttin sem Arnþrúður Karlsdóttir segist núna hafa skrifað, heldur hafa allar fréttir með nafninu Gústaf Skúlason verið breytt á sama hátt og útvarpsstjórinn tileinkar sér öll þau fréttaskrif. Meira en þrjú ár aftur í tímann. Þannig eru t.d. margar fréttir af skotárásum í Svíþjóð allt í einu skrifaðar af útvarpsstjóranum og því rétt að beina gagnrýnendum þeirra skrifa til hans í staðinn.
Vekur einnig athygli, að þegar fréttaskrif hófust á gustafadolf.com 3. október 2023, þá hætti útvarpsstjórinn allt í einu að skrifa erlendar fréttir á heimasíðu ÚS. Tilviljanirnar eru greinilega ekki einar á þeim bæ með Einari framkvæmdastjóra.
Kannski hefur krafa um endurgreiðslu svikinna hlutabréfa skapað þessi þriggja ára fréttaskrif útvarpsstjórans á einu augnabliki. Ljóst er að stjórn félagsins er ekki marktæk orða sinna, því öll loforð um sendingu greiddra hlutabréfa hafa verið brotin. Ekki einu sinni kvittun fyrir greiðslu hefur borist á rúmlega einu ári. Í upphafi sagði framkvæmdastjórinn að ÚS væri í samvinnu við þekkt endurskoðendafyrirtæki sem myndi annast sölu hlutabréfa fyrir fyrirtækið og hlekkur settur á heimasíðu stöðvarinnar, þar sem hægt væri að kaupa bréfin beint. Hlekkurinn er enn ekki kominn, sjálfsagt týndur eins og botninn í Borgarfirði. Áfram eru boðin hlutabréf til sölu í félagi, sem ætti að taka til gjaldþrotaskipta með minna en helming af eigin fé eftir og nokkurra tuga milljóna króna í skuldir.
Kannski hefur útvarpsstjórinn bara enn ekki náð sér eftir áfallið að hafa ekki verið ráðin útvarpsstjóri RÚV þegar hún sótti um starfið fyrir nokkrum árum? Sú umsókn hefði átt að kveikja viðvörunarbjöllum, því hún sýnir flóttann frá ÚS sem útvarpsstjórinn tilkynnir þegar henni er mikið niðri, að sé hennar einkaeign um leið og hún upplýsir hlustendur um hvers kyns hún er. Þannig ekki frétt er ekta frétt rétttrúnaðarins.
