Tedros Ghebreyesus, aðalritari WHO, hefur sent frá sér nýja viðvörun vegna komu „sjúkdóms X.“ Varar hann leiðtoga heimsins við, að það sé ekki „spurning um hvort heldur hvenær“ ný veira og heimsfaraldur muni skella yfir heimsbyggðina að nýju (sjá myndskeið að neðan). Ghebreyesus sendi frá sér svipaða viðvörun árið 2018 sem sýndi sig og sannaði að var rétt, þegar Covid-19 skall yfir heimsbyggðina eftir það.
Það voru þátttakendur heimsráðstefnunnar í Dubai í síðustu viku sem heyrðu viðvörunina um dularfulla sjúkdóminn X enn á ný. Yfirmaður WHO klagaði yfir því, að heimurinn væri enn illa undirbúinn fyrir nýjan heimsfaraldur.
Ghebreyesus sagði bráða þörf og brýna nauðsyn að samið verði um alþjóðasáttmálann í maí. Vísar hann alfarið gagnrýni og grunsemdum um raunverulegar ástæður sáttmálans á bug. Gagnrýni er einungis „lygar og samsæriskenningar.“ Tedros segir sáttmálann vera „mikilvægan fyrir mannkynið.“
Jafnframt hótar hann með því, að ef heimurinn lærir ekki af Covid heimsfaraldrinum „þá munum við greiða hátt verð næst og næsta skipti kemur.“ Tedros bætti við:
„Sagan kennir okkur, að það er ekki spurning um hvort heldur hvenær næsti heimsfaraldur kemur. Við köllum það sjúkdóminn X sem getur orðið vegna inflúensuveiru eða að ný kórónuveira verði til eða nýjar veirur sem við vitum ekki einu sinni um enn þá.“
Var ákveðið fyrir 8 árum að finna veiru sem ylli sjúkdómnum X
Vísindamenn segja, að sjúkdómur X gæti drepið 20 sinnum fleiri en Covid-19. Fyrir átta árum var dularfulla sjúkdómnum X bætt við á lista WHO yfir rannsóknir á veirum sem geta valdið „alvarlegum alþjóðlegum faraldri.“
Sjá má hluta af myndskeiði með yfirlýsingu Tedros Ghebreyesus, aðalritara WHO, hér að neðan:
