Herbert Kickl flokksleiðtogi Frelsisflokks Austurríkis. (Mynd © Michael Lucan CC3.0 / SV CC 3.0).
Einn af þeim íhaldsflokkum sem gerðu það vel í nýafstöðnum ESB-kosningum var Frelsisflokkurinn í Austurríki „Freiheitliche Partei Österreichs, FPÖ.“ Flokkurinn fékk 25,4% og varð stærsti flokkurinn. Flokkurinn leggur til að búið verði til nýtt embætti í framkvæmdastjórn ESB fyrir endurflutning farandfólks til heimalanda sinna sem ekki vilja aðlagast Austurríki.
FPÖ vill að farandverkamenn sem ekki verða hluti af landinu snúi aftur til heimalanda sinna. Á síðasta ári sagði flokksleiðtoginn Herbert Kickl, að þeir sem neita að aðlagast ættu að missa ríkisborgararétt sinn og vera vísað úr landi.
Að senda innflytjendur aftur til síns heima á að mati FPÖ að vera mögulegt með aðstoð sérstaks heimsendingarstjóra ESB. Vilja þeir sjá Susanne Fürst, þingkonu FPÖ sem fyrsta heimsendingarstjórann. Christian Hafenecker, framkvæmdastjóri FPÖ, sagði á blaðamannafundi:
„Það sem ég tók eftir á síðustu vikum kosningabaráttunnar var að umfram allt er þörf á skynsamlegri fólksflutningastefnu, að það er þörf á endurflutningi.“
Búist er við að flokkurinn fái einnig mikið fylgi í þingkosningunum í september en FPÖ þarf þá líklega að ná samkomulagi við samstarfsflokka til að mynda ríkisstjórn.
