Lyfjastofnun Bretlands „Medicines and Healthcare products Regulatory Agency, MHRA“ sendi enga viðvörun um aukaverkanir og meiðsl í tengslum við Covid-bóluefnin í tæka tíð. Hópur breskra þingmanna telur því að rannsaka þurfi starfsemi stofnunarinnar.
Lyfja- og heilbrigðiseftirlitsstofnunin (MHRA) ber ábyrgð á að samþykkja lyf og búnað og fylgjast með aukaverkunum af völdum ýmissa læknismeðferða. Þingmannahópur um viðbrögð og bata vegna heimsfaraldursins telur, að eftirlitsstofnunin hafi verið „langt frá því að vernda sjúklinga.“ Þvert á móti hafi vinnubrögð lyfjastofnunarinnar „sett sjúklinga í alvarlega hættu.“
Hunsuðu viðvaranir
Um 25 þingmenn úr fjórum flokkum skrifuðu bréf til heilbrigðisnefndar breska þingsins og óskað eftir brýnni rannsókn. Steve Brine, formaður heilbrigðisnefndar, segir í svari að rannsókn á öryggi sjúklinga sé „mjög líkleg.“ Í bréfi til Brine segja þingmennirnir, að ástæða sé til að ætla að MHRA hafi verið meðvitað um hjarta- og blóðtappavandamál eftir bólusetningar strax í febrúar 2021. Stofnunin hafi hunsað viðvaranir og kosið að taka ekki á vandanum í marga mánuði.
Danmörk og nokkur önnur Evrópulönd stöðvuðu bóluefni frá Astra Zeneca strax í mars 2021, vegna ótta um alvarlegar aukaverkanir bóluefnisins. MHRA talaði fyrst um öryggisráðstafanir þann 7. apríl, þegar 24 milljónir manna höfðu þegar verið bólusettar.
Yfirgripsmikil rannsókn
Einnig höfðu birst skýrslur þegar í febrúar 2021 sem tengdu bóluefnin við hjartavöðvabólgu (myokardit) og gollurhúsbólgu (perikardit). Þingmennirnir skrifa:
„Í raun samþykkir MHRA lyf sem örugg lyf, þrátt fyrir að vita að það hafi ekki verið fylgst nægjanlega vel með skaðlegum aukaverkunum. Við getum ekki leyft þessu að halda áfram. Þess vegna höfum við skrifað heilbrigðis- og heilbrigðisnefnd og krefjumst brýnnar rannsóknar.“
„Sögulega séð hefur traust á bóluefnum og öryggi bóluefna verið mikið í Bretlandi en svo virðist sem reynslan af Covid-19 bólusetningunum hafi grafið undan því og trausti á eftirlitsstofnuninni og lyfjaiðnaðinum. Núna er meiri þörf á víðtækri og ítarlegri endurskoðun en nokkru sinni áður.“
Tilkynningakerfið virkar ekki
Þingmennirnir vara einnig við því, að tilkynningakerfi MHRA, sem er til að hvetja sjúklinga og lækna að tilkynna um aukaverkanir tengdar bóluefninu, sé mjög óvirkt og taki aðeins bið broti af öllu því tjóni sem bóluefnin hafa orsakað. Þingmennirnir spyrja:
„Varðandi Covid-19 bóluefnin sem er tiltölulega ný tækni og framleidd á methraða, hafði þá MHRA nokkurn tíma til að rýna almennilega í leyfisupplýsingarnar eða kynna sér skammtímaöryggið?“
Þingmaðurinn Graham Stinger segir:
„MHRA hefur umsjón með gölluðu kerfi sem er seinvirkt, veldur sjúklingum skaða og er fullt af hagsmunaárekstrum.“
