Demókratar í Bandaríkjunum vilja hafa opin landamæri svo ólöglegir innflytjendur geti streymt til landsins Það hafa þeir gert í milljónatali á undanförnum árum. Gagnrýnendur segja, að demókratar séu að flytja inn atkvæði fyrir sig vegna síminnkandi trausts eigin landsmanna.
Samkvæmt frétt The Epoch Times, þá deila demókratar út atvinnuleyfum til hægri og vinstri til að útlendingar geti öðlast kosningarétt í staðbundnum kosningum.
Atkvæðasvindl með útlendingum
Demókratar þrýsta á um að leyfa fólki sem ekki eru bandarískir ríkisborgarar að fá að kjósa í sveitarstjórnarkosningum m.a. í New York, Boston og öðrum sveitarfélögum og alls staðar í Connecticut.
Fjöldi farandfólks sem streymir yfir suðurlandamærin hefur slegið nýtt met samkvæmt upplýsingum sem birtar voru 21. október. Innflytjendur jukust um 21% frá fyrra mánuði. Á ársgrundvelli nemur talan 2,48 milljónum innflytjenda og flestir þeirra koma ólöglega.
Demókratar geta gert sér upp óhug og vanlíðan. En ekki láta blekkjast. Demókratar líta á þessa nýliða sem tryggingu fyrir varanlegum meirihluta atkvæða í sveitarstjórnarkosningum. Ekki eftir ár, þegar nýliðarnir verða ríkisborgarar. Heldur strax, núna.
Þykist á móti hömlulausum innflutningi
Orðræða Eric Adams borgarstjóra New York er dæmigerð. Hann varar við því, að yfirgnæfandi fjöldi farandfólks sem kemur — á milli 16-17 þúsund á mánuði — „muni eyðileggja New York borg.“ Samtímis var hann í fararbroddi fyrir lagabreytingu sem breytir farandfólki í kjósendur.
Herra Adams og aðrir demókratar í New York ráku á eftir Joe Biden forseta til að flýta fyrir atvinnuheimildum fyrir þá. Þeir segja að málið snúist um að farandfólkið geti orðið sjálfbjarga. Mögulega, – en demókratar hafa annað þungt markmið.
30 daga ólögleg dvöl og atvinnuleyfi veita kosningarétt
Ef smáa letrið í lögum New York borgar „Borgin okkar, atkvæðið okkar“ (Our City, Our Vote), sem tóku gildi í desember 2021 er lesið, þá kemur eftirfarandi í ljós:
„Allir sem hafa atvinnuleyfi sem hafa verið í borginni í aðeins 30 daga hafa kosningarétt og það jafnvel þótt þeir hafi komið ólöglega inn í landið.“
Ef demókratar komast upp með þetta, er hættan sú að þeir munu „umbreyta“ Bandaríkjunum frá grunni. Búast má við að margir landsmenn hætti að þekkja landið sem þeir hafa búið í fram að þessu.
