Niðurstöður af nýrri rannsókn (sjá pdf að neðan) sýna að fundnar hafa verið milljarðar leifa af DNA-brotum í hettuglösum mRNA bóluefna gegn Covid-19. Aðalhöfundur rannsóknarinnar, sameindaveirufræðingurinn David Speicher, sem er með doktorsgráðu í veirufræði, sagði í viðtali við The Epoch Times, að um sé að ræða „stærstu rannsóknina“ á leifum DNA í Covid-19 bóluefnum hingað til.
David Speicher sagði:
„Í rannsókn okkar mældist DNA afrit af broddum, ori (uppruni afritunar) og aukagenum SV40. Magnið af SV40 hvötum, ori og veirubroddum í Pfizer er allt að 186 milljarða eintaka í hverjum skammti.“
Speicher vísar til DNA raðar SARS-CoV-2 gaddapróteinsins, sem hægt er að umrita í mRNA gadda til að nota í Covid-19 mRNA bóluefninu. Hin tvö DNA – aukagen SV40 og ori – hjálpa til við að auðvelda afritun DNA gadda. Samt ættu mRNA bóluefnin eingöngu að innihalda RNA en ekki leifar af DNA leiðbeiningum fyrir gaddaframleiðslu.
Rannsakendur raðgreindu erfðaefnið í 27 mRNA bóluefnishettuglösum úr 12 mismunandi lotum. Nítján hettuglös voru frá Moderna og átta frá Pfizer. Í skýrslunni segir:
„Frekari vinnu er þörf til að ganga úr skugga um það, hvort eitthvað í þessum bóluefnum sé í raun að fara inn í erfðamengi mannsins og hvaða áhrif það getur haft.“
Af hverju ætti finnast DNA í mRNA bóluefnum?
mRNA bóluefnin eru búin til úr DNA. Upphaflega tilkynnti Pfizer að það myndi nota PCR vél til að framleiða DNA fyrir mRNA bóluefnin. PCR vélin myndi fyrst gera mörg afrit af DNA og síðan yrði sama DNA raðgreint í RNA.
Hins vegar – og vegna þess að þetta ferli var ekki nógu fljótvirkt til að mæta kröfum, þá tilkynnti Pfizer að það myndi nota bakteríur til að fjöldaframleiða DNA gadda í staðinn. DNA framleitt úr bakteríunni yrði síðan safnað og raðgreint í RNA í vél.
Framleiðsluskýrsla Moderna, sem lögð var fyrir Lyfjastofnun Evrópu, sýndi einnig að fyrirtækið notaði DNA plasmín til að framleiða bóluefnin. Plasmíð er hringlaga DNA þráður sem er algengur í bakteríum og ákveðnum sníkjudýrum. Plasmín eru hringlaga en DNA mannskepnunnar er línulegt. Að nota bakteríur til að framleiða prótein er staðlað líftækniferli sem notað er við framleiðslu lyfja.
Til að láta bakteríurnar endurrita DNA-gaddprótein, þá verða vísindamennirnir fyrst að setja DNA-gaddpróteinið inn í bakteríurnar. Þegar bakteríurnar fjölga sér, fjölgar DNA-próteininu sem þær bera. Hins vegar er ekki hægt að láta DNA-gadddapróteinið eitt sér í bakteríurnar. Aðrar raðir – eins og ori, sem gefur merki um afritun DNA; aukagenið SV40 sem hvetur til meiri DNA afritunar; og sýklalyfjaónæmisgen, sem hjálpar vísindamönnum að bera kennsl á bakteríurnar sem hafa tekið upp genið – myndu allar sameinast í hringlaga bakteríu-DNA.
Það skal tekið fram að SV40 aukagenið er erfðafræðilega röð úr fjölómaveiru simian veiru 40 (SV40), DNA veiru sem vitað er að veldur krabbameini í tilraunadýrum. Genið er ekki SV40 veiran sjálf. Þegar mRNA og DNA hefur verið tekið úr bakteríunum á að fjarlægja DNA. Það hefur hins vegar ekki verið hreinsað burtu á skilvirkan hátt eins og þeir milljarðar DNA eintök af göddum, ori og aukageni SV40, sem fundust í hettuglösum Pfizer, benda til. Nokkrar milljónir eintaka af ori og DNA göddum fundust einnig í hettuglösum frá Moderna, en SV40 aukagenið fannst ekki þar.
Hvers vegna DNA óhreinindi í mRNA bóluefnum veldur áhyggjum
Hætta er á, að líkaminn túlki utanaðkomandi DNA sem berst inn í frumur líkamans samhliða mRNA, sem mannlegt DNA. Ef það gerist mun það skrifast inn í grunnróf frumanna. Speicher segir, að tilvist aukagena SV40 auki hættuna á DNA samþættingu. Vitnar hann í rannsókn sem birt var árið 1999 sem fann hámarks flutning á DNA með því að nota SV40.
Ef DNA gaddaprótein samþættist erfðamengi hýsilsins, þá munu frumurnar að eilífu innihalda raðir gaddapróteinsins. Samþætting utanaðkomandi DNA í erfðamengi mannsins getur einnig valdið krabbameini, eins og kemur fram í rannsóknum á samþættingu veiru-DNA. SV40 aukagenið er mjög umdeilt á sviði bólusetninga, vegna þess að það kemur frá veiru sem tengist krabbameini.
Sum mænusóttarbóluefni sem framleidd voru 1955-1963 reyndust menguð af SV40 veirunni. Hins vegar sýna rannsóknir, að þeir sem voru bólusettir með SV40 geninu eru ekki í meiri hættu á að fá krabbamein.
Hettuglös með fleiri DNA brotum sem tengjast fleiri aukaverkunum
Rannsóknarskýrslan bendir einnig á, að hettuglös með stærri skömmtum af DNA, geta hugsanlega valdið fleiri aukaverkunum eins og koma fram í bóluefnaviðbragðaskýrslukerfinu (VAERS). Þessi bóluefni höfðu tilhneigingu til að vera í fjólubláu hettuglösunum, sem þurfti að þynna fyrir sprautun. Ef lyfjafræðingar gleymdu að þynna bóluefnið, þá gátu þeir óvart sprautað börn með fimmföldum ráðlögðum skammti. Þess vegna gætu hærri aukaverkanir einnig tengst röngum skömmtum bóluefnanna.
Rannsakendur notuðu tvær aðferðir til að ákvarða innihaldsskammt DNA: flúormælingar og qPCR.
Flúormælingaprófið sýndi, að DNA innihaldið fór 188 – 500 sinnum yfir mörk bandarískra matvæla- og lyfjaeftirlits (FDA), sem eru 10 nanógrömm í hverjum skammti. Hins vegar gaf qPCR prófið til kynna að DNA-gildin sem greindust væru undir eftirlitsstaðlinum.
Kevin McKernan, einn af höfundum rannsóknarinnar, hefur 20 ára reynslu í erfðafræðilegri raðgreiningu. Hann starfaði áður við Human Genome Project og er núna yfirmaður og stofnandi Medicinal Genomics. McKernan útskýrði, að misræmið í prófunum væri vegna þess, að flúormælingar geta greint tvíþætt DNA af hvaða stærð sem er. qPCR mælingar geta aðeins greint DNA sem hefur 100 eða fleiri basapör.
Mr. McKernan hafði áður útskýrt, að staðlar matvæla- og lyfjaeftirlitsins voru birtir á þeim tíma, þegar leifar DNA í hettuglösum var eingöngu nakið DNA sem á erfitt með að komast inn í frumur. Það er frábrugðin núverandi mRNA bóluefnum sem pakka DNA inn í lípíð nanóagnir sem flytja það beint inn í frumurnar.
Hvað kemur næst?
David Speicher sagði við The Epoch Times, að gera þyrfti mun fleiri rannsóknir til að rannsaka DNA mengun í Covid-19 bóluefninu. Aðrar rannsóknarstofur þurfa einnig að athuga niðurstöðu rannsóknarhópsins og endurskapa þá vinnu til komast að nákvæmari niðurstöðu um hvaða áhrif DNA hefur á aukaverkanir við bólusetningu. Aðrar ósvaraðar spurningar eru meðal annars hvort SV40 röðin í bóluefninu orsaki „túrbókrabbamein.“ Einnig þarf að gera dýrarannsóknir til að ákvarða, hvort leifar af DNA valdi ónæmissvörun.
Eins og fram hefur komið í nýlegum fréttum Epoch Times, þá neitaði FDA að afturkalla Pfizer Covid-19 bóluefnin, þrátt fyrir að bóluefnissérfræðingar eins og Dr. Robert Malone hafi talað um DNA mengun í hettuglösunum. Lyfjastofnun Evrópu sagði einnig við The Epoch Times, að Pfizer hafi ekki bent á, að hettuglösin innihaldi SV40 gen.
