Á miðvikudaginn ásakaði Ulf Kristersson, forsætisráðherra Svíþjóðar Magdalenu Andersson formann jafnaðarmanna um hryðjuverkarómantík innan jafnaðarmanna (sjá myndskeið neðar á X). Magdalena Andersson átti ekki til orð og missti skapið og byrjaði að gráta. Hún mismælti sig óheppilega og kallaði flokksbróður sinn, Jamal El-Haj, fyrir Jamal „Hamas.“
El-Haj var einn af fyrirlesurunum á ráðstefnu til stuðnings Palestínumönnum í Malmö í vor, þar sem hann sást knúsa skipuleggjandann, Palestínumanninn Amin Abu Rashid, sem talinn er vera sérstakur fjársöfnunarmaður hryðjuverkasamtanna Hamas í Evrópu.
Skömmu eftir ráðstefnuna var skipuleggjandinn handtekinn af hollensku lögreglunni grunaður um fjármögnun hryðjuverka. Í hollenskum fjölmiðlum er Amin Abu Rashid kallaður „peningasafnari Hamas.“
Flokkur sænskra jafnaðarmanna á ekki í neinum vandræðum þátttöku Jamal El-Haj á ráðstefnum undir merkjum Hamas. Það hindrar hann ekki í því að vera þingmaður þeirra á sænska þinginu.
Andersson: „Ertu að ásaka Jamal Hamas“
Ulf Kristersson vakti athygli á tengslum jafnaðarmanna og hryðjuverkasamtakanna Hamas. Forsætisráðherrann sagði:
„Sá sem Magdalena Andersson segir að hafi helgað líf sitt baráttunni gegn Hamas var þar og tók virkan þátt, – sker það ekki í augun? Ég tel að það sé hryðjuverkarómantík innan ákveðinna kratahópa sem leiðtogi sósíaldemókrata ætti að hafa áhyggjur af.“
Magdalena Andersson hélt áfram í hlutverki fórnarlambsins. Hún barðist við grátinn á meðan hún sagði frá því, að fjölskylda stjórnmálamannsins hlyti að hafa verið þurrkuð út. Hún sagði:
„Ulf Kristersson, ertu að saka Jamal Hamas, um að vera hryðjuverkarómantíker? Fjölskylda tengdadóttur hans þurrkaðist út fyrir nokkrum dögum. 36 manns, öllum lífum sópað á brott. Í þessu hræðilega stríði. Þú meinar að hann sé hryðjuverkarómantíker sem stendur á bak við Hamas, það er hræðileg ásökun.“
Hún hélt svo áfram, nálægt tárum:
„Fjölskylda tengdadóttur hans var þurrkuð út fyrir nokkrum dögum. 36 manns. Hvarf í þessu hryllilega stríði. Þú meinar, að hann sé hryðjuverkarómantíker sem sé á bak við Hamas. Þetta er hræðileg ásökun, Ulf Kristersson. Þú ert forsætisráðherra landsins, hvernig geturðu vogað þér að segja þetta?“
