Þannig hefst fyrirsögn Washington Post um hinn óþekka Nóbelsverðlaunahafa, bandaríska eðlisfræðinginn John Clauser. Blaðið nær ekki upp í nef sér hvílíkur dóni maðurinn er að dirfast að afneita heimsendi mannkyns í logum vítis samkvæmt hamfarakenningum loftslagstrúboðanna. Washington Post er vorkunn. Ekkert gengur lengur eins og þeir og demókrataflokkurinn vilja. Fólk fer í kröfugöngur í Washington til að styðja gyðinga. Sagan um Úkraínustríðið er hætt að vera skemmtileg og núna kom sem sagt nýjasti skellurinn: Bandaríski nóbelsverðlaunahafinn og eðlisfræðingurinn John Clauser afneitar að það sé nein loftslagskreppa í gangi. – Þeim fjölgar óðum, sem betur fer, sem þora að segja sannleikann um grænu lygina.
Á fimmtudaginn skrifaði Washington Post, eitt stærsta og elsta dagblað Bandaríkjanna, grein um bandaríska eðlisfræðinginn John Clauser sem hlaut Nóbelsverðlaunin í eðlisfræði árið 2022.
Afneitar loftslagskreppunni
Greinin eru engin fagurmæli um Clauser. Þvert á móti. Honum er lýst sem hortugum „afneitara“ sem gengur gegn „yfirgnæfandi samstöðu vísindanna“ um loftslagið. En það gerir ekkert til. Hann segir alveg opinskátt, að hann afneiti loftslagsdellunni. Hann sagði á blaðamannafundi fyrr í vikunni: „Ég afneita loftslagskreppunni.“
Samkvæmt Washington Post hefur „nýjasta afneitun hans á hlýnun jarðar vakið ugg í röðum fremstu loftslagsvísindamanna.“ Þeir vara við því, að hann sé að villa um fyrir almenningi um það „neyðarástand“ sem ríkir í loftslagsmálum að þeirra sögn.
Plánetan er í engri hættu
Það er staðföst skoðun Nóbelsverðlaunahafans, að engin loftslagskreppa sé í gangi. Hann útskýrði á blaðamannafundi samkvæmt Washington Post:
„Þrátt fyrir að þetta muni koma mörgum í uppnám eru skilaboð mín þau, að plánetan sé ekki í hættu.“
Það kemur líka fram í greininni, að John Clauser segir vísindaleg sannindi loftslagsins vera, að hitastig jarðar ræðst umfram allt af skýjum en ekki koltvísýringslosun eða notkun á jarðefnaeldsneyti. Skýin hafa kælandi áhrif segir Nóbelsverðlaunahafinn.
Fleygði loftslagsþvælunni í ruslafötuna þar sem hún á heima
John Clauser segir í einu viðtali, að það geti tekið langan tíma fyrir vísindalegar skoðanir að breytast. Það liðu 50 ár þar til hann fékk sjálfur Nóbelsverðlaunin fyrir rannsóknir sínar. Þótt Washington Post, líkt og margir aðrir stórir fjölmiðlar, básúni út heimsendaáróðri glóbalistanna og geri sitt besta til að reyna að tortryggja Nóbelsverðlaunahafann John Clauser, þá verður það deginum ljósara fyrir almenning að græni áróðurinn grundvallast ekki á vísindum. Vísindamaðurinn John Clauser hefur fleygt heimsendaþvælunni í ruslakörfuna, þar sem hún á heima.
Hér að neðan má sjá tilkynningu sænsku Nóbelnefndarinnar um eðlisfræðiverðlaunin 2022 en Clauser fékk þau ásamt þeim Alain Aspect og Anton Zeilinger.
