„Covid-bóluefninu“ sem var dreift til milljarða jarðarbúa notaðist ekki við sama framleiðsluferli og í fyrstu prófunum. Ferlinu var breytt til að gera fjöldaframleiðslu kleift, fullyrðir læknirinn Ryan Cole í viðtali í þættinum Bandarískir hugsandi leiðtogar (American Thought Leaders) hjá The Epoch Times.
Bóluefnaskammtarnir sem gefnir voru í fyrstu prófunum voru ekki framleiddir á sama hátt og þeim sem síðar var dreift til almennings. Þetta segir bandaríski læknirinn Ryan Cole í viðtali við Jan Jekielek hjá The Epoch Times.
Mikil breyting
Fyrsta ferlið var prófað á 40.000 manns. En til þess að geta framleitt milljarða skammta, þá var skipt yfir í annað ferli, sem var varla prófað eða aðeins á um 250 manns. Það var því engan veginn nægjanlegur gagnagrunnur til að geta greint skaðsemi bóluefnisins. Doktor Ryan Cole segir:
„Við gerðum tilraunir í þessu mjög svo stýrða gerviferli. Á síðustu stundu fórum við undir radarinn og sögðum að bóluefnið væri fyrir alla en við höfðum varla rannsakað það. Þessu var síðan dreift í fang milljarða manna.“
Mannsfrumur ekki gerðar til að búa til framandi prótein
Samkvæmt Cole gæti DNA-mengun skýrt aukningu á krabbameini, sjálfsofnæmissjúkdómum og blóðtappa eftir „bólusetningu.“
„Þetta útskýrir margt af því undarlega sem gerist í mannslíkamanum sem við sjáum í blóðtappa, sjálfsofnæmissjúkdómum og krabbameini, þar sem við breyttum samskiptum innan frumanna. Mannsfrumum er ætlað að búa til prótein úr mönnum. Mannsfrumum var aldrei ætlað að búa til framandi prótein. Þegar við forritum frumur fólks til að gera hluti sem þær eiga ekki að gera, getur það farið úrskeiðis. Frumurnar geta stökkbreyst og orðið að skotmarki okkar eigins ónæmiskerfis sem ræðst þá á okkur sjálf.“
Mengað „bóluefni“
Doktor Ryan Cole lýsir áhyggjum sínum yfir hinu gallaða „bóluefni:“
„Ég hef miklar áhyggjur af þeirri staðreynd, að milljarðar manna um allan heim hafa fengið vöru sem var opinberlega menguð af einhverju sem átti engan veginn að vera í vörunni.“
Kanadíska heilbrigðiseftirlitið viðurkennir mengunina
Læknirinn bendir á til dæmis, að ef keypt er kjöt í matvöruversluninni sem reynist vera mengað, þá yrði það strax tekið úr hillum. Sömuleiðis væru gölluð barnarúm tekin af markaðinum, ef börn hefðu dáið í þeim. En þetta gerðist ekki með „bóluefnið.“ Þvert á móti.
„Í staðinn erum við með efni í hettuglösum sem er sprautað í milljarða manna sem inniheldur þekkta mengun eins og kanadíska heilbrigðiseftirlitið hefur viðurkennt.“
Sjá má stuttan bút úr viðtalinu hér að neðan og allt viðtalið í heild sinni hér:
