Forseti El Salvador heldur áfram harðri baráttu sinni gegn kynjahugmyndafræði í landinu og bannar hana núna alfarið í öllum skólum landsins. „Við höfum fjarlægt öll ummerki um kynjahugmyndafræði úr opinberum skólum.“
Nayib Bukele, forseti El Salvador, hefur tekið þá ákvörðun að banna hvers kyns kynjahugmyndafræði í opinberum skólum landsins. Forsetinn vill að áhersla skólans sé á að fræða og örva nemendur.
Yfirmaður menntamálaráðuneytisins, José Mauricio Pineda, staðfestir ákvörðunina í skilaboðum á samfélagsmiðlum:
„Staðfest: Við höfum fjarlægt öll ummerki um kynjahugmyndafræði úr opinberum skólum.“
Mikill stuðningur almennings
Þrátt fyrir að margir rótgrónir fjölmiðlar hafi reynt að rægja Bukele og segja, að forsetinn sé „popúlista-forseti með einræðistilhneigingar“ þá hefur hann mjög mikinn stuðning meðal almennings.
Í síðustu forsetakosningum fékk Bukele heil 84% atkvæða sem einnig var staðfest nýverið af kosningadómstól í landinu.
Bukele svarar gagnrýni á sig og stefnu ríkisstjórnarinnar, að það sé fólkið sem veiti honum sjálfstraust til að innleiða þessar róttæku samfélagsbreytingar. Hann mun halda því áfram, þar til fólk segir annað.
