Boðskapur Viganò erkibiskups um að við skulum vera hugrökk og snúa bökum saman í baráttunni gegn illum áformum glóbalismans er núna á hljóðbandi sem Gústaf Adolf Skúlason hefur lesið inn (sjá að neðan). Verður einnig á dagskrá netútvarpsins í dag og á næstunni. Ástæða er að hvetja sem flesta til að hlýða á þennan andlega leiðtoga og bera saman við hávær köll um samsæriskenningar og rasisma.
Boðskapur erkibiskupsins er skýr: það eru ekki náttúruhamfarir, veðrabreytingar sem eru að ógna lífi jarðarbúa, heldur lygar þeirra sem halda að þeir geti skákað sjálfum drottni og drottnað yfir jörðinni með öllu því sem henni fylgir. Búa þeir til ógnir eins og hamfararhlýnun, sjúkdómsfaraldra, hungursneyð til að setja neyðarlög og víkja lýðræðislega kjörnum fulltrúum til hliðar.
Athygli vekja þau nöfn og stofnanir sem biskupinn nefnir en þær vinna allar að því að koma á ritskoðun og banna málfrelsi. Hann nefnir tilkomu World Economic Forum sem afkomenda Rómarklúbbsins og mannfækkunaróskir þeirra eins og Dennis Meadows boðar (sjá myndskeið að neðan). Meadows vonast eftir „friðsamlegri fólksfækkun“ frá sjö milljörðum jarðarbúa niður í einn milljarð jarðarbúa. Með friðsamlegum meinar hann án styrjalda og að fólk gæti jafnréttis við mannfækkunina. Hann segir að með kröfum um frelsi jarðarbúa og valkostamöguleika geti jörðin einungis borið einn milljarð manna með góðu. Einungis sé hægt að hafa fleira fólk með einræðisstjórnum.
Þetta er dökk framtíð sem glóbalisminn ætlar sköpunarverki Guðs. Prins jarðar, Satan, heldur í taumana í þessari allsherjar árás á mannsskepnuna.
En eins og Viganò erkibiskup segir í lok ákallsins:
„Ekki skammast ykkar fyrir að vera fólk sem elskar Drottin, sem biður, sem fórnar, sem berst. Það verða ekki Klaus Schwab, George Soros eða Ursula von der Leyen sem munu dæma þig, heldur Drottinn sem sagði við okkur: En verið hughraustir, ég hef sigrað heiminn (Jóh 16:33).“
Hér að neðan er hljóðbútur með upplestrinum á íslensku og þar fyrir neðan útskýringar Dennis Meadows um nauðsynlega fækkun mannkyns um 87,5%:
