Það má loka FBI, því stofnunin er ónýt. Þegar kosningarnar á næsta ári nálgast óðfluga, þá hannar FBI nýjan staðal yfir hryðjuverkamenn sérstaklega fyrir stuðningsmenn Donald Trumps.
Samtímis stundar Biden-stjórnin hreinar ofsóknir í stíl einræðisríkja, í því skyni að fá helsta stjórnarandstæðinginn felldan með 91 falsákæru í mörgum ríkjum vegna glæpastarfa. Veruleikafirrtur Bandaríkjaforseti getur ekki dulið bræði sína yfir framgangi stjórnmálaandstæðingsins og öskrar á MAGA-hreyfinguna í opinberum ræðum. Þess á milli ráfar hann um senuna í leit að útgöngudyrum, dettur kylliflatur eða hleypur skyndilega burtu úr opinberum athöfnum, af því að hann búinn að gera í bleyjuna.
Til samanburðar má geta þess að Svörtu lífin sem skipta máli voru með um 275 uppþot á einu sumri sem kostaði bandaríska skattgreiðendur um 2 milljarða dollara á meðan MAGA-hreyfingin (Make America Great Again) er sökuð um eitt uppþot sem kostaði sömu skattgreiðendur um 1,5 milljón dollara.
FBI útbjó sérstakan hryðjuverkastaðal fyrir stjórnarandstæðinga sem styðja Donald Trump
Newsweek greinir frá: Alríkisstjórnin telur að hættan á ofbeldi og meiriháttar borgaralegri röskun í kringum forsetakosningarnar í Bandaríkjunum árið 2024 sé svo mikil að hún hefur í kyrrþey búið til nýjan flokk hryðjuverkamanna sem hún leitast við að rekja og sigrast á: MAGA-her fylgjenda Donald Trumps.
Áskorunin fyrir alríkislögregluna….er að sækjast eftir og koma í veg fyrir það, sem hún kallar innlend hryðjuverk án beinna tilvísuna til stjórnmálaflokka eða tengsla. Leynileg gögn sem Newsweek hefur aflað sýna, að meginrannsóknir á „andstöðu gegn ríkisstjórninni“ snúast um stuðningsmenn Trumps. Núverandi embættismaður FBI, sem óskaði nafnleyndar til að geta rætt viðkvæm innri mál alríkislögreglunnar, sagði að „FBI væri í nánast ómögulegri stöðu.“
Embættismaðurinn sagði, að FBI hefði að markmiði að stöðva innlend hryðjuverk og koma í veg fyrir hvers kyns endurtekningu árásarinnar 6. janúar 2021 á þinghúsið. Samtímis á FBI að vernda stjórnarskrárbundinn rétt allra Bandaríkjamanna til að taka þátt stjórnmálabaráttu, hafa málfrelsi og réttinn að andæfa stjórnvöldum. Embættismaðurinn sagði, að með því að einbeita sér að Trump fyrrverandi forseta og stuðningsmönnum hans í MAGA-hreyfingunni, þá eigi alríkislögreglan á hættu að æsa upp þá stjórnarandstæðinga sem hún vonast til að geta unnið sigur á sem hryðjuverkamönnum.
Uppljóstrari FBI vill láta handtaka starfsmenn FBI sem framfylgja ofsóknum á hendur stjórnarandstæðingum
Steve Friend, uppljóstrari FBI, er svarinn andstæðingur djúpríkisins og hann vill láta handtaka alla þá starfsmenn alríkislögreglunnar sem framfylgja stjórnmálalegum ofsóknum á stjórnarandstæðingum. Hann segir:
„Ég er ánægður að sjá, að Newsweek greina frá því, að allt sem ég ljóstraði upp um var rétt. FBI notaði 6. janúar til að hagræða og bókstaflega blása út tölfræði um innlenda hryðjuverkamenn. Fjöldi rannsókna nær tvöfaldaðist frá árinu 2020 í 9 þúsund rannsóknir árið 2021 en samt var fjöldi „fullra rannsókna“ einungis 1.446 eða varla meiri en þeir 1.146 mótmælendur sem voru ákærðir vegna 6.janúar.“
