Helsingborg í suður Svíþjóð er orðin einn aðalmóttökustaður álfunnar á kókaíni. (Mynd © Frontline Focus).
Lögreglan í Ekvador kallar eftir nánari samstarfi við sænsk yfirvöld. Fíkniefnaumferðin til Helsingborgar er orðin svo mikil, að hún skapar vandamál. – Í Ekvador.
Sænsk ungmenni drekka sífellt minna en neyta fíkniefna í þeim mun meiri mæli. Það hefur ekki aðeins leitt til þess að Ríkinu „Systembolaget“ er skipt út fyrir glæpahópa, heldur hefur bæði eiturlyfjaframleiðsla og stríð á milli glæpahópa aukist mikið í Rómönsku Ameríku.
Að sögn yfirvalda Ekvador, sem áður var frekar friðsælt
Að sögn yfirvalda í Ekvador, sem áður var frekar friðsælt en fátækt land, er kókaín sent í tonnatali árlega frá höfnum landsins til Helsingborgar í Svíþjóð. Lögreglustjórinn Pablo Ramirez segir í viðtali við SVT:
„Í fyrra lögðum við hald á samtals 6,5 tonn sem áttu að fara til sænskra hafna.“
Yfirvöld Ekvadors skilgreina Svíþjóð núna sem þýðingarmikið móttökuland eiturlyfja og vilja hafa nánara samstarf við yfirvöld í Svíþjóð svo hægt sé að taka á vandanum.
Enn sem komið er, gengur það hægt. Pablo Ramirez fullyrðir með hógværð að glæpagengin í Svíþjóð og Ekvador starfi betur saman en ríkisstjórnir landanna. ann segir:
„Við þurfum að koma á samstarfi og við þurfum að samræma viðleitni okkar með Svíþjóð.“
Í Ekvador hefur fjöldi morða fimmfaldast á fimm árum. Talið er að hluti af orsökinni sé útflutningur á kókaíni til Helsingborgar.
