Birgir Eiríksson, skrúðgarðyrkjumeistari í viðtali dagsins.
Hvað varð um stefnufestu, prinsíp og heiðarleika? Pólitíkin líkist engri tík en er sjálfri sér lík og fer í hverja flík til að verða rík. Hvalveiðibannshneykslið er marhnútur stjórnmálanna og matvælaráðherrann uppvís að valdníðslu. Sjálfstæðismenn hafa týnt áttum og halda að sjálfstæðið sé að vera límdir við þingstólana. Reka framandi orkustefnu sem minnir á grænar geimverur. Eru sjálfstæðismenn glataðir eða þora þeir að standa við vantraustsyfirlýsingu á svikulum matvælaráðherra sem með misnotkun valdsins skaðar líf frumkvöðla Hvals hf og starfsmanna þeirra? Eiga skattgreiðendur að greiða tjónið og matvælaráðherrann kemst undan allri ábyrgð?
Aðför Svandísar Svavarsdóttur að Hval hf var til umræðu í viðtalsþætti við þann góða skrúðgarðsmeistara Birgir Eiríksson. Birgir Eiríksson er bæði sjálfstætt starfandi og hugsandi sem eru þeir eiginleikar sem einna mest þörf er á í skrúðgarði lands – og heimsmálanna. Farið var út fyrir landsteinana og ýmis brennheit mál rædd eins og stríð Ísraels gegn Hamas, óhuggulega þróun drápsdróna stjórnuðum af gervigreind og svo furðumál í New York sem tengist neðanjarðargöngum undir sýnagógu sem sértrúarhópur í tengslum við gyðinga notaði. Er um óhuggulegt mál að ræða þar og ótrúlegar sögur í gangi t.d. um umskurður drengja ásamt fleiru.
Eldgos bæði raunverulegt og stjórnmálalegt
Fyrir utan eldgosið að nýju og núna í sjálfri Grindavík er stóra málið hvernig stjórnmálin munu afgreiða afglöp matvælaráðherrans. Sumir þingmanna koma sólbrenndir eftir hamfarahlýnun í fangi jólasveinsins á Norðurpólnum og þurfa vikur aukalega til að opna þá pakka sem landsmenn gera á einu kvöldi. Spurningin er um framtíð ríkisstjórnarinnar og hvort valdasamtrygging og flokkspískur hafi meiri völd en skynsemin sem verið er að útrýma úr þingsölum. Það kemur í ljós þegar þing kemur saman 22. janúar en eins og er og miðað við lím kommúnista og sjálfstæðismanna má alveg eins eiga von á því að landsmenn ásamt lýðræðinu fái einn löðrunginn enn.
Í Icesave voru landsmenn skildir eftir með 3.000 gjaldþrot og 9.200 nauðungarsölur. Á tíu árum voru gerð 117 þúsund árangurslaus fjárnám hjá einstaklingum. Núna lítur út eins og sagan muni endurtaka sig, þegar hamfarasjóðir til að bæta landsmönnum tjón t.d. við eldgos hafa verið tæmdir til annarra hluta, t.d. montfundi með glópalistum í Hörpu. Ofan á bætast ríkisskuldir og 56 milljarða áætlaður halli ríkissjóðs.
Drápstæki framtíðarinnar að verða raunveruleiki
Fyrir fimm árum voru drápstæki framtíðarinnar kynnt og tæknin er komin á það stig að þetta er að verða mögulegur raunveruleiki. Um er að ræða dróna sem komast fyrir í lófanum, fara mörgum sinnum hraðar en nokkur manneskja getur hreyft sig, vopnaðir andlitsauðkenningu og geta borið nokkur grömm af sprengiefni. Eins og risastórar býflugur velja þeir út fórnarlambið samkvæmt andlitsmynd og stinga í árás og viðkomandi deyr. Sjá mynd hér að neðan:
„Leynigöng“ undir sýnagógu í New York
Birgir greindi frá fundi undirganga undir sýnagógu í New York en mikil blaðaskrif hafa verið um ólögleg göng sem sértrúarhópur ortódoxa gyðinga grófu í leyni frá sýnagógunni yfir í næsta hús þar sem baðhús er fyrir konur. Lögreglan kom á vettvang og rannsakaði göngin og lokaði þeim við mikil mótmæli gyðinga og þurfti lögreglan að handtaka nokkra þeirra. Hafa forráðamenn safnaðarins þakkað lögreglunni fyrir en einungis þröngur hópur vissi um göngin. Gyðingahatarar hafa sjósett hrikalegar sögur á netinu um að gyðingar hafi stundað dráp á kristnum börnum, umskurð á drengjum með tönnum, jafnvel drukkið blóð þeirra, stundað mansal barna og skorið úr þeim líffæri og selt og fleira í þeim dúr. Hér má sjá falsað myndband á tiktok sem sagt er að sýni blaðamannafund lögreglunnar í New York en lögreglan hefur engan slíkan fund haft um málið. Á heimasíðu lögreglunnar í New York er ekki bókstafur um málið. Nánari upplýsingar má finna hér, hér, hér og hér.
Þá var einnig rætt um stríð Ísraels og Hamas og hættu á stigmögnun í miðausturlöndum og eilífar árásir Hamas á Ísrael.
Smelltu á spilarann hér að neðan til að hlýða á samtalið
