Í síðustu viku gekk umferðin óvenju treglega og langar bílaraðir mynduðust á vegi 222 í Värmdö fyrir sunnan Stokkhólm. Ástæðan var sú að bílstjóri á rafbíl ók bílnum allt of hægt og þurfti að kalla út lögreglu vegna óvenjulegs umferðarlagabrots.
Ökumaður rafbílsins keyrði á fjögurra kílómetra hraða sem varð til þess að öll umferðin hægði á sér og varð að lokum til þess að aðrir ökumenn misstu þolinmæðina og hringdu í lögregluna sem hraðaði sér á vettvang. Samkvæmd Tækniheiminum sagði bílstjóri rafbílsins við lögregluna:
„Ég var að leita að hleðslustað og ók hægt til að spara rafmagn. Ég átti svo lítið rafmagn eftir.“
Þótt sekta megi ökumenn fyrir að aka of hægt, ef það veldur hindrunum og truflunum á annarri umferð, þá leiddi útkall lögregluliðsins aðeins til hvatningar til bílstjórans að sjá til þess, að bíllinn verði rétt hlaðinn í framtíðinni til að forðast að valda löngum bílaröðum í umferðinni.
