Sértrúarsöfnuður heimselítunnar á loftslagsráðstefnu Sameinuðu þjóðanna í Dubai gæddu sér á ljúffengum sælkeramat, þar á meðal hamborgurum og rifbeinssteikum. Samtímis boða þeir öðrum að hætta að borða nautakjöt.
Loftslagsbreytingaáhugamenn vilja eyða nautgripa- og búskapariðnaðinum undir því yfirskini að draga úr kolefnislosun með „nettó-núll áætlun“ sinni „Nettó-núll áætlunin“ mun að lokum leiða til hungursneyðar. Ekkert stöðvar samt þetta fólk frá því að sjálft njóta kjöts á meðan þeir segja heiminum að draga úr kjötneyslu.
Boðið upp á safaríkar nautasteikur sem „bráðna í munni“
Með vísun til Fox News: Á loftslagsráðstefnu Sameinuðu þjóðanna, COP28, sem nú stendur yfir í Dubai, er boðið upp á fjölbreytt úrval af sælkeramat frá söluaðilum sem bjóða upp á nautakjöt, samtímis og verið er að undirbúa niðurstöður, þar sem búist er við að vesturlönd dragi úr neyslu á nautakjöti.
Samkvæmt netgátt leiðtogafundarins er matur á boðstólum meðal annars „safaríkt nautakjöt,“ „hellur af safaríku kjöti,“ reyktum wagyu-hamborgurum, Philly ostasteikum og „grilluðu kjöti sem bráðnar í munni“ auk afrísks götugrills, mexíkönskum hraðmat og asískum valkosti með „snertingu af frönskum blæ.“ Uppljóstrunin um kjötát loftslagssafnaðarins kemur samtímis og Sameinuðu þjóðirnar eru gagnrýndar fyrir að undirbúa í fyrsta sinn að kalla eftir minni kjötneyslu í öllum heiminum.
Sameinuðu þjóðirnar ætla að koma á einu „alheims matvælakerfi“
Matvæla- og landbúnaðarstofnun Sameinuðu þjóðanna, FAO, mun í fyrsta sinn birta vegvísir um „alheims matvælakerfi“ á COP28 ráðstefnunni. Þar er gert ráð fyrir, að þjóðir sem stunda „ofneyslu á kjöti,“ takmarki neyslu sína sem hluta í víðtæku átaki til að draga úr losun gróðurhúsalofttegunda. Sameinuðu þjóðirnar hafa í mörg ár kallað eftir því, að einstaklingar hætti að borða mat úr dýraríkinu sem SÞ segir að „hafi mikil áhrif á plánetuna okkar.“ FAO segir í yfirlýsingu:
„Markmiðið er að útrýma öllu hungri [sjálfbærnismarkmið 2] á loftslagsvænan hátt til að laða að loftslagsfjármagn til þeirra mótvægisaðgerða, aðlögunar og seiglu sem þarf til að ná 1,5 gráðu markmiðinu (fyrir árið 2050) sem byggt er á skuldbindingu hvers lands, samstöðu og umskipta í landinu.“
Vilja að fólk hætti að ferðast í flugvélum en fljúga sjálfir í einkaþotum
Samtímis og SÞ skipuleggur alheims aðför að landbúnaðinum, þá er um þriðjungur matar á COP28 loftslagsráðstefnunni kjöt samkvæmt eigin gögnum ráðstefnunnar. Mike Flood, fulltrúi repúblikana frá Nebraska, kallar það hræsni vinstrimanna:
„Hræsni heimselítunnar hættir aldrei að koma á óvart. Þeir eru þeir sömu og vilja að vinnandi fólk hætti að fljúga á meðan þeir sjálfir ferðast á glæsilegar ráðstefnur í einkaþotum til að knýja fram róttæka græna dagskrá.“
Vegan-vistvænir hryðjuverkamenn reiddust yfir því, að kjötlobbíistar mættu á COP28 loftslagsráðstefnuna í Dubai til að spyrna gegn árásinni á kjötneyslu í heiminum.
