Á morgun 10. desember fer afhending Nóbelsverðlaunanna fram í Stokkhólmi. Eru það venjulega mikil hátíðahöld, stórum svæðum miðbæjarins lokað eða umferð takmörkuð enda margt mikilmenna á ferð til að vera viðstödd hina árlegu hátíð og veisluna frægu í afskaplega fallegu og sögulegu ráðhúsi Stokkhólmsborgar. Það sem setur gylltan ramma kringum atburðinn er að sjálfsögðu þátttaka konungsfjölskyldunnar, en konungur afhendir verðlaunin til verðlaunahafanna í formfastri og mjög tignarlegri dagskrá. Fyrir marga verðlaunahafa er sú stund ein sú ógleymanlegasta í öllu lífinu.
Nóbelsverðlaunin hafa samt ekki náð fyrri glans eftir að Covid hóf innreiðina í heiminn. Í tvö ár, 2020 og 2021 var veislunni slaufað vegna Covid. Veisluhöld hófust að nýju 2022 og í ár vekur það athygli, að Katalin Karikó og Drew Wissman fá verðlaun í læknavísindum fyrir að hafa þróað mRNA tæknina fyrir framleiðslu bóluefna gegn Covid-19. Nóbelsnefndin skrifar:
„Með byltingarkenndum niðurstöðum sínum, sem hafa í grundvallaratriðum breytt skilningi okkar á því hvernig mRNA hefur samskipti við ónæmiskerfið okkar, þá áttu verðlaunahafarnir þátt í áður óþekktum hraða bóluefnaþróunar gegn einni stærstu ógn gagnvart heilsu manna í nútímanum.“
Nóbelsverðlaunum fyrir mRNA tækni mótmælt
Allir eru ekki sammála þeirri skilgreiningu, að mRNA hafi verið rétta leiðin í baráttunni gegn Covid og á morgun þann 10. desember verða minningarmótmæli víða um Svíþjóð ásamt nokkrum öðrum löndum eins og Noregi, Finnlandi og Þýskalandi. Athyglin beinist að þeim 17 milljónum manna sem hafa látist eftir að hafa verið bólusett með covid bóluefninu. Stofnuð hefur verið mótmælanefnd gegn Nóbelsverðlaununum sem safnar undirskriftum á netinu og efnir til minningarstundar fórnarlamba mRNA efnanna.
Útför í Gautaborg
Miðillinn Frelisfréttir tók viðtal við Dick Jonefelt, sem leiðir mótmælin í Gautaborg. Hann segir:
„Áherslan er að heiðra þær 17 milljónir manna sem hafa týnt lífinu vegna þessara svikasprauta samkvæmt upplýsingum uppljóstrara frá bólusetningaráætlun Nýja Sjálands.“
„Samkoma verður á Gustav Adolf torginu klukkan 16:00. Síðan verður farið í jarðarfarargöngu í átt að Stóra leikhúsinu þar sem sett verður upp hljóðkerfi fyrir ávörp og útfararathöfn. Þar mun ég halda óundirbúna guðsþjónustu og í einum sálmanna vil ég að fólk komi með blóm og setji á kistuna sem við flytjum frá Gustav Adolfs togi. Ef það eru þátttakendur með ættingja, vini eða kunningja sem hafa orðið fyrir áhrifum af sprautunni vona ég að þeir komi með kort sem þeir geta lagt á kistuna.“
„Við munum eingöngu einbeita okkur að fórnarlömbum sprautunnar.“
Meira um málið eftir morgundaginn.
