Margir hafa áhyggjur af hraðferð Alþjóðaheilbrigðismálastofnunarinnar í einræðisstjórn með alræðisvöld í heilbrigðismálum jarðarbúa. Í Svíþjóð fjölgar þeim sem vilja, að Svíar yfirgefi samtökin. Núna skipar WHO ríkisstjórnum heimsins að „banna kjöt“ þar sem það sé „eina leiðin til að koma í veg fyrir næsta heimsfaraldur.“
Samkvæmt WHO mun næsti heimsfaraldur koma frá kjötframleiðslu. Þess vegna verður mannkynið að hætta að borða kjöt. Alþjóðaheilbrigðismálastofnunin ætlar að ná þessu markmiði með því að gera kjötvörur svo dýrar, að venjulegt fólk hefur ekki efni á þeim. Banna á margar kjötvörur að fullu.
Hóta nýjum heimsfaraldri nema fólk hætti að borða kjöt
Skipun glóbalista er hluti af víðtækari stefnu um að gera bændur eignalausa og hætta allri kjötframleiðslu, því „kjötát valdi loftslagsmengun.“ WHO er að mestu fjármagnað af Bill Gates og keppast bæði WHO og Gates við að breiða út nýjan hryllingsboðskap til að hræða jarðarbúða ofan á eldri boðskap um heimsendi vegna hamfarahlýnunar. Sagt er að kjötát muni valda næsta heimsfaraldri og því er eina leiðin til að komast hjá því að þurfa að loka heiminum aftur eins og í Covid-19 – að fólk hætti að borða kjöt!
Ókjörnir búrókratar fá vald æðri stjórnarskrám og ákvörðunum lýðræðiskjörinna embættismanna
Nýja ógnin er kynnt undir yfirskriftinni „Ein heilsa.“ Verkefnið miðar að því að veita ókjörnum embættismönnum Alþjóðaheilbrigðismálastofnunarinnar alþjóðlegt ákvarðanatökuvald en hingað til hafa þeir eingöngu verið ráðgefandi aðili. Ætlunin er að WHO fái miðstýrt vald til að taka ákvarðanir um næringu, landbúnað og búfjárrækt, umhverfiseyðingu, fólksflutninga, lýðheilsu og margt fleira. WHO mun geta tekið ákvarðanir fram hjá lögum, stjórnarskrám og ákvörðunum lýðræðislega kjörinna embættismanna í einstökum löndum.
Í skipun til ríkja heims um að hætta framleiðslu og neyslu kjöts styðst WHO við skýrslu sem unnin var í samstarfi margra bandarískra háskóla (sjá pdf að neðan). Í skýrslunni er því spáð, að næsti heimsfaraldur eigi upptök sín í kjötframleiðslu Bandaríkjanna. Þar er meðal annars varað við því að húsdýr geti stuðlað að því að koma af stað heimsfaraldri. Almennt er bent á að stöðva verði samskipti manna og dýra til að koma í veg fyrir komandi heimsfaraldur. Þessi aðvörun nær einnig yfir allar mjólkurvörur.
Banna á hefðbundið kjöt til að skapa eftirspurn eftir „ræktuðu“ kjöti Bill Gates
Allt sem er listað upp á að lágmarka eða helst útrýma. Einungis má meðhöndla dýr og slátra á sérstökum dauðhreinsuðum svæðum og gefa á dýrunum stóra skammta af sýklalyfjum en það hafa margir aðrir aðilar einmitt varað sérstaklega við. Til að tryggja að engin brot verði framin á samtímis að koma upp víðtæku kerfi fjöldaeftirlits. Einnig er því haldið fram, að það sé sjálfsagt að banna meirihluta kjötvara, vegna þess að „þær hafi frekar lítið gildi“ fyrir neytendur. Grunur leikur á að viðvaranir WHO séu sérsniðnar til að ryðja veg ræktaðs gervikjöts sem Bill Gates og World Economic Forum (WEF) vilja að verði borðað í staðinn.
Á samfélagsmiðlum þakkar aðalritari WHO, Tedros Adhanom Ghebreyesus, Bill Gates fyrir að hafa fengið sent eintak af bók sinni sem fjallar um hvernig hægt er að forðast næsta heimsfaraldur.
