Mörg dæmi eru um að bæði börn og konur hafa orðið fyrir kynferðisglæpum karlmanna sem segjast vera „konur.“ Valdhafar mæta þessum kynferðisglæpum með þögninni. Rithöfundur Harry Potter bókanna, J.K. Rowling, rýfur þögnina og lyftir upp umræðunni um „kynlausu“ kynlífsglæpina.
Það er orðið að furðufyrirbæri í hinum vestræna heimi, að karlmenn þykjast vera „konur“ af alls konar ástæðum. Ofsafengin pólitísk rétttrú er sem varnargirðing kringum fyrirbærið. Fólk má alls ekki draga í efa, hvers kyns þessir einstaklingar telja sig vera og umræðum um málið er þrýst inn í þögnina. Það dregur hins vegar ekki úr hættu sem konum stafar af karlmönnum sem notfæra sér hina heilögu réttu trú til að fremja kynferðisglæpi. Dæmi eru um að karlmenn hafi komist inn á kvennaklósett og búningsklefa kvenna og þar gerst sekir um kynferðislega áreitni og misnotkun.
Það sem aldrei á gerast, hefur gerst. Aftur.
Rithöfundurinn J.K. Rowling sem skrifaði Harry Potter bækurnar er ein þeirra sem gagnrýnir fyrirbærið harðlega. Hún vakti athygli á því um helgina, að maður að nafni Kurtis Mawson var dæmdur fyrir að fara inn á kvennaklósett og ljósmynda konur sem voru þar inni. Þegar hann var handtekinn, þá skilgreindi hann sig sem „konu.“ Hann hafði einnig reynt að nauðga konu og var með barnaklám í tölvunni sinni. Rowling tjáir sig um dóminn á X:
„Þetta sem aðeins hið vonda og viðbjóðslega óþolandi fólk heldur fram að gerist, en gerist aldrei, hefur gerst. Aftur.“
Kynferðisleg rándýr með aukinn aðgang að auðveldri bráð
Í annarri færslu bendir hún á, að þeir sem vilja aflétta banni við inngöngu karla á kvennaklósettin hegði sér á þann hátt sem „engir almennilegir karlmenn gera.“ Hún spyr sig, hvers vegna fjölmiðlar draga aldrei í efa markmið þeirra sem vilja hafa kynhlutlaus salerni og búningsklefa. Samkvæmt Rowling er um að ræða kynferðisleg „rándýr“ sem vilja fá aukinn aðgang að auðveldri bráð.
Harry Potter og misheppnaða útilokunin
Vegna gagnrýni hennar hefur hún sætt árásum trans aðgerðasinna gegn sér, sem saka hana um að vera „transfóbíska.“ Rowling hefur hins vegar aldrei vikið frá afstöðu sinni eða beðist afsökunar, jafnvel þótt þessir aðgerðasinnar hafi reynt að eyðileggja orðstír hennar og krafist þess að fólk hætti að njóta ævintýra Harry Potter. Slíkar árásir hafa alltaf haft þveröfug áhrif og orðið til að auglýsa Harry Potter enn frekar.
