„Ekkert er mikilvægara en að stöðva óæskilega losun óábyrgra einstaklinga“ að sögn John Kerrys sérstaks loftslagsfulltrúa Bandaríkjastjórnar (í miðju) með Becky Andersson frá CNN (til vinstri á myndinni) og Fatih Birol, framkvæmdastjóra Alþjóðaorkumálastofnunarinnar (til hægri á myndinni, skjáskot X).
Það er ekki í frásögur færandi að mannverur sem og aðrar skepnur á jörðinni stundi eðlilega metangaslosun. En að þessu sinni var það sjálfur loftslagsfulltrúi Bandaríkjastjórnar, John Kerry, sem mjög óvænt og með kaldhæðnislegu ívafi undirstrikaði persónulega þörf á losun metangas á loftslagsráðstefnunni í Dubai.
Orðatiltækið „verkin tala“ var talandi fyrir Kerry, sem er ákafur talsmaður þess að draga úr losun, þegar óæðri endinn kom óvænt með sína skoðun á málinu. New York Post greindi frá því, að hávært prumpuhljóð hafi heyrst, þegar utanríkisráðherrann fyrrverandi var að halda fyrirlestur um loftslagssvínaríið.
Skilur ekki þá sem taka ekki ábyrgð á eigin losun sem drepur fólk daglega
Kerry fullyrti:
„Mér finnst ég verða sífellt herskárri, vegna þess að ég skil ekki hvernig fullorðið fólk sem er í ábyrgðarstöðu getur forðast að taka ábyrgð á þeim hlutum sem drepa fólk daglega…“
Kerry náði varla að klára setninguna fyrr en samanþjappað þrýstihljóð af fljúgandi gasi barst gegnum hljóðnemann. Mannfjöldinn, sem virtist óvitandi um þessa einkalosun, fagnaði með lófaklappi.
Varnir sessunautanna
Losun Kerry kom Becky Anderson ritstjóra CNN í Abu Dhabi, sem situr hægra megin við Kerry, greinilega í opna skjöldu. Snéri hún höfðinu snöggt til hliðar og hélt höndum fyrir vitum sér til að forðast hugsanlegar eftirárásir framandi lyktarefna.
Fatih Birol, framkvæmdastjóri Alþjóðaorkumálastofnunarinnar, þekkir sennilega losun óæskilegra loftslagstegunda vel eða þá, að hann hefur ótrúlega góða stjórn á sjálfum sér. Hann hélt ró sinni, kinkaði kolli og snéri augum eins og hann væri djúpt hugsi yfir þessum áþreifanlegu og nærtæku skilaboðum Kerrys.
Kerry þá? Hann hélt ótrauður áfram og sagði:
„Raunveruleikinn er sá að loftslagskreppan og heilbrigðiskreppan eru eitt og hið sama.“
John Kerry er gangandi loftslagskreppa. Hann prumpar á 34. sekúndu á myndskeiðinu að neðan:
