Í síðasta mánuði afhjúpaði Dr. Jill Biden „púkalegt og smekklaust“ jólaskraut Hvíta hússins í ár. CBS News greinir frá:
„Næstum 15.000 fet af borðum, meira en 350 kerti og yfir 22.000 bjöllur voru notaðar í skreytingarnar“ að sögn Hvíta hússins. Meira en 142.425 ljós tindra á trjám, krönsum, greinum m.m. Sjötíu og tveir kransar með rauðum slaufum prýða norður og suður hliðar Hvíta hússins.
Jill Biden sagði þegar hún talaði um skreytingarnar:
„Fyrir hátíðina í ár er þema Hvíta hússins innblásið af því, hvernig börn upplifa þessa hátíð. Hátíðin er til staðar í fegurðinni og gnægðinni í kringum þau, augun stækka og hugurinn opnast fyrir „töfrum, undrun og gleði“ hátíðarinnar.“
„Við erum með töfrandi sleða jólasveinsins sem hangir á loftinu í stóru forstofunni, lest sem keyrir í kringum hið opinbera jólatré Hvíta hússins og piparköku Hvíta húsið sem fagnar 200 ára afmæli uppáhalds barnanna Twas the Night Before Christmas!“
Joe og Jill Biden skrifuðu í bréfi sem bauð fólk velkomið í jóladýrð Hvíta hússins:
„Á þessarri hátíð íhugunar og velvildar, vonumst við til, að þú munir faðma innra barn þitt og njóta þess einfaldlega að vera til staðar hjá þeim sem þú elskar. Það er tími fyrir skilningarvit okkar að vakna – fyrir hvert og eitt okkar að finna ilm af uppáhalds fjölskylduuppskriftum, heyra hlýja rödd kærs vinar, sjá ljómann af ljósum og skreytingum, bragða sætt sælgæti og góðgæti og að finna hljóðláta kyrrð og styrk trúarinnar.“
Jill Biden datt engan vegin í hug að minnast á Jesú Krist í skilaboðum sínum til Bandaríkjamanna. Sjá má myndina á X hér að neðan.
