Halla Tómasdóttir í spjalli hjá hugveitunni TED eftir heimkomu frá loftslagsráðstefnu Sameinuðu þjóðanna COP26 í Glasgow ár 2021 (skjáskot YouTube).
Hinn kunni blaðamaður Hallur Hallsson sendir hér þjóðinni varnaðarorð um forsetaframboð Höllu Tómasdóttur. Hún hvarf til starfa fyrir elítu glóbalistanna eftir að hafa tapað fyrir Guðna Jóhannessyni ár 2016. Sem útsendari wefaranna í Davos er það hlutverk Höllu Tómasdóttur að tryggja, að forsetaembættið á Íslandi verði ekki í höndum þjóðarinnar heldur frátekið fyrir alþjóða klíku undir stjórn Klaus Schwab sem stefnir að heimsyfirráðum.
Hallur Hallsson skrifar:
Halla Tómasdóttir útsendari hins ameríska útibús wefaranna í Davos hyggst taka húsfreyjuvald Bessastaða í skjóli kvenna elítu sem komið var á laggirnar fyrir 25 árum. Full ástæða er fyrir íslenska þjóð að átta sig á þungri undiröldu framboðs Höllu. Bakland Höllu er klíka í Samtökum kvenna í atvinnulífi sem komið var á laggirnar 1999 til þess að koma kvenfólki í stjórnir fyrirtækja með þvingunum. Kvennaklíkan klappaði ákaft og skríkti þegar Halla tilkynnti framboð sitt í Grósku enda kokteilboð á Bessastöðum í sjónmáli. Það er táknrænt að hvorki fáni né skjaldarmerki Íslands voru sjáanleg þegar framboðið var tikynnt.
B-TEAM AMERÍSKT ÚTIBÚ DAVOS
Halla er forstjóri B-Team útibús Davos í Ameríku. Hún talar fyrir Great Reset; hina miklu endurræsingu sem „… við þörfnumst svo; so badly,“ að hennar sögn. Reset er valdataka hinna ríku og voldugu á Vesturlöndum. Halla Tómasdóttir talar fyrir friði en vinnur að stofnun alheimsstjórnar; “world governance“ sem stendur fyrir útþenslu stríðum Nato. Halla talar fyrir jafnrétti en vinnur að „reset“ hinna ríku og voldugu. Halla talar fyrir sjálfbærni en hér verður málið svart. Í samráðsgátt stjórnvalda liggja fyrir drög að reglugerð um sjálfbæra landnýtingu sem færir ráðherra óhóflegar valdheimildir til upptöku lands bænda. Í Evrópu standa yfir víðtæk mótmæli bænda og sjómanna vegna sjálfbærni-stefnu útsendara hinna ríku og voldugu til valdatöku heimsins, fólks eins og Höllu Tómasdóttur.
HALLA & BRANSON
Halla mælir fagurgala til þess að fela slóð sína í innsta hring wefaranna. Bretinn Richard Branson „contributor“ wefaranna í Davos stofnaði B-Team árið 2013, vinur Jeffrey Epstein líkt og margir hinna ríku og voldugu. Halla er útsendari Klaus Schwab í Davos stofnanda World Economic Forum. Íslenskt útibú wefaranna í Davos hér á landi er félagið Festa, sem vinnur að afsali fullveldis og grefur undan íslensku lýðveldi; íslenskri menningu, íslenskri tungu, íslenskri þjóð. Hinir ríku og voldugu vilja ekki jafnrétti heldur afsal auðlinda; orku, fiskimiða og stefna að vindmylluvæðingu. Af hverju halda menn að ríkasti maður Englands hafi keypt jarðir á Norð-Austurlandi sem nema stærð sautján Þingvallavatna?
