Í gær birtist frétt um, að Kínverjar hefðu þróað nýja kórónuveiru sem dræpi 100% á innan við 8 dögum með því að taka sér ból í heilafrumum. Það voru alla vega örlög músanna sem notaðar voru í rannsókninni. Hrósar alþýðuherinn sigri yfir fullkomnum drápshæfileka hins nýja hernaðarvopns. En það eru langt í frá Kínverjar einir sem eru að þróa nútíma drápstæki með því að búa til drápsveirur.
Boston vísindamenn þróuðu Covid-stofn með 80% drápsáhrifum
Árið 2022 sköpuðu vísindamenn við Boston háskóla nýjan Covid-stofn með 80% drápshæfileika samanborið við um það bil 1% hlutfall Covid-19. Þessar tilraunir við Boston háskólann voru ekki gerðar í B-4 rannsóknarstofu, heldur var notuð S-3 rannsóknarstofa sem ekki er búin þeim öryggisbúnaði sem þarf við slíkar drápsveirur, sem jók verulega hættuna á sýkingu og smiti í mönnum. Heilbrigðisstofnun Bandaríkjanna NIH, sem Fauci fór fyrir, er stór fjármögnunaraðili rannsóknarstofunnar við Boston háskólann.
Lífrannsóknastofa tengd Kína í Fresno Co, Kaliforníu var með 900 erfðabreyttar mýs til að bera og dreifa Covid-19 veirunni
Fyrir nokkru uppgötvaðist ólögleg lífrannsóknarstofa í byggingu í Reedley, Kaliforníu í Fresno-sýslu. Eftirlitsmenn uppgötvuðu lífrannsóknarstofuna í desember 2022, þegar þeir fundu garðslöngu sem fór inn gegnum gat á veggnum í byggingu sem talin var standa tóm. Mid Valley Times skrifaði:
„Frá 2. – 4. maí rannsakaði deild Smitsjúkdómavarna Bandaríkjanna, CDC, sem sér m.a. um eiturefni húsakynnin á 850 I Street. Dómsskjöl staðfesta, að CDC fann hugsanleg smitefni á staðnum. Var bæði um bakteríu- og veiruefni að ræða, þar á meðal klamydíu, E. coli, streptókokka lungnabólgu, lifrarbólgu B og C, herpes 1 og 5 og rauða hunda. CDC fann einnig sýni af malaríu.“
Vísindamenn í London sköpuðu drápsveiru úr Covid
Vísindamenn í London bjuggu til stökkbreyttan ofurstofn af Covid sem sagður var drápstól. Tuttugu vísindamenn við Imperial College í London smituðu hamstra með stökkbreyttum veirum, þar á meðal úr stofni upprunalegu kórónuveirunnar og hluta af Omicron eða Delta, samkvæmt Daily Mail.
Dr. Richard Ebright, sameindalíffræðisérfræðingur við Rutgers háskóla, varar við því að tilraunin geti komið öðrum heimsfaraldri af stað. Ebright sagði á Twitter:
„Að minnsta kosti fjórar rannsóknarstofur í tveimur heimsálfum hafa núna skapað óeðlilegar veirur sem halda háu stigi Omicron gegn ónæmi með alvarlegri áhrifum en Omicron og auka því smit eða sjúkdómsvaldandi áhrif í mönnum.“
Greinilegt er, að um miklu fleiri hernaðartilraunir er að ræða í heiminum varðandi lífvopn en í Kína og dæmunum að ofan. Til dæmis viðurkenndi Pentagon tilvist rannsóknarstofa í Úkraínu sem voru kostaðar af Bandaríkjamönnum.
