Stuðningsmenn Hamas í Bretlandi hefja þátttöku sína í heilaga stríðinu gegn gyðingum með því að henda lifandi músum inn á veitingastaði í Bretlandi. Fyrstu skotmörk músahernaðarins eru McDonalds og Starbucks. Fólki er skipað að hætta að versla á þessum stöðum. Einnig er fólki sagt að hætta áskrift að Disney teiknimyndum. Í einu atviki voru mýsnar sprautaðar í rauðum, svörtum og grænum lit, sem eru litir palestínska fánans.
Fyrsta árásin var í byrjun vikunnar í Birmingham og er í rannsókn lögreglu. Myndband af atvikinu fór sem eldur í sinu á samfélagsmiðlum, sjá hér að neðan. Maður, sem virðist vera með palestínskan fána á höfði sér, ber kassa af lituðum músum inn á McDonalds og hendir þeim út á gólfið og hrópar „Fokk Ísrael.“
Í kjölfar þessa einkennilega hernaðar fylgdu að minnsta kosti tvær svipaðar árásir í vikunni. Talsmaður McDonald’s staðfestir atvikið og segir að búið sé að hreinsa veitingastaðinn að fullu og meindýraeyðir verið kallaður út til að framkvæma heildarskoðun.
Sjúklegur og tilgangslaus hernaður
Gary Mond, formaður þjóðarsamtaka gyðinga í Bretlandi, fordæmir músahernaðinn:
„Að kasta músum inn á veitingastað, þar sem viðskiptavinir eru að borða er sjúklegt fyrirbæri. Það veldur óhug hjá viðstöddum – jafnvel hjá músunum sjálfum. Það er illmannlegt og hættulegt að gera þetta. Frá pólitísku sjónarmiði er þetta gjörsamlega tilgangslaust. Það mun ekki styðja við málstað „Frjálsrar Palestínu“ sem byggir á hatri gegn gyðingum til samanburðar við hið gagnstæða, þ.e.a.s. stuðning til þeirra araba sem búa á Gaza.“
Handtóku mann
Eftir að McDonald’s veitingastaðir í Ísrael gáfu ísraelskum hermönnum þúsundir máltíða hefur skyndibitakeðjan orðið skotmark fyrir mótmæli og sniðgöngum.
Á miðvikudaginn tilkynnti lögreglan, að hún hefði handtekið 32 ára gamlan mann grunaðan um músaárásina í Birmingham.
