Læknar geta ekki lengur limlest börn í Ohio og kvennaíþróttir eru nú verndaðar eftir að öldungrdeild Bandaríkjaþings ákvað hnekkja neitunarvaldi ríkisstjórans Mike DeWine. Hafði ríkisstjórinn beitt neitunarvaldi sínu til að koma í veg fyrir lagafrumvarp 68 um bann við kynlífsbreytingum ólögráða barna og takmörkun á þátttöku kynbreyttra karla í íþróttum stúlkna og kvenna samkvæmt CBS News.
Fulltrúadeildin hafði áður samþykkt að hnekkja ákvörðun ríkisstjórans og aðeins einn repúblikanskur öldungadeildarþingmaður, Nathan Manning frá Cuyahoga-sýslu, greiddi atkvæði með demókrötum.
Þingið keyrði yfir ákvörðun ríkisstjórans
Mike DeWine beitti neitunarvaldi gegn frumvarpi 68 í desember og kvartaði við blaðamenn á blaðamannafundi eftir það, að frumvarpið væri of flókið. Hann sagði:
„Ég held að það sé mjög mikilvægt, að við munum öll eftir því, að að fólk beggja megin þessa máls trúir því í einlægni svo sannarlega, að afstaða þeirra verndi börn best. Þetta eru sannarlega flókin mál og sanngjarnt fólk – en sanngjarnt fólk getur dregið mjög mismunandi ályktanir. Þetta frumvarp myndi aðeins hafa áhrif á mjög lítinn fjölda barna í Ohio. En fyrir þau börn sem glíma við kynjavandamál og fyrir fjölskyldur þeirra gætu afleiðingar þessa frumvarps orðið átakanlegar.“
Það eru til karlmenn og konur en ekkert kynjalitróf
Kristina Roegner, öldungadeildarþingmaður repúblikana, ein af meðflutningsmönnum frumvarpsins um að ógilda neitun ríkisstjórans, hélt því fram, að kynlimlesting ólögráða barna væri orðin „gróðamiðstöð“ fyrir sjúkrahús sem reyna að breyta þeim í „varanlega sjúklinga.“ Hún hélt áfram:
„Það eru til karlmenn og það eru til konur. Það eru til strákar og það eru til stelpur og þær eru öðruvísi. Kyn eru enginn vökvi. Það er ekki til neitt svo kallað kynjalitróf.“
Embættismenn búast við að lögin taki gildi eftir um það bil 90 daga samkvæmt CBS News.
