Frans páfi er andlega ofurseldur loftslagshugmyndafræði glóbalismans. Hinum græna nýkommúnisma. Boðskapur páfans er í anda Guterres aðalritara SÞ sem kennir mannkyni um að hafa opnað hlið helvítis. Boðskapur Páfa er, að „heimurinn sé að hrynja.“
Frans páfi helgar öllum kröftum sínum svokallaðri loftslagskreppu. Að sögn páfans er heimurinn að hrynja. Þetta skrifar hann í bréfi um „loftslagskreppuna“ sem sent er „öllu fólki með góðan vilja“ (sjá pdf neðar á síðunni). Páfinn fullyrðir:
„Með tímanum hef ég áttað mig á því, að svör okkar hafa ekki verið nægjanleg, samtímis og heimurinn sem við lifum í er að hrynja og kannski nálgast þann tímapunkt að ekki verði aftur snúið.“
Vill koma á alþjóðlegum reglum um „alheimsvernd“
Páfinn vill „koma á alþjóðlegum og skilvirkum reglum sem geta veitt alheimsvernd.“
„Það er ekki nóg að hugsa aðeins um valdajafnvægi, heldur verður að hugsa einnig um nauðsyn þess að mæta nýjum vandamálum og bregðast við með alþjóðlegum aðferðum gagnvart áskorunum á sviði umhverfis-, lýðheilsu-, menningar- og félagsmála. Sérstaklega þarf að treysta virðingu fyrir grundvelli mannréttinda, félagslegra réttinda og verndun hins sameiginlega heimilis okkar.“
Tekur undir hatursáróður aðskilnaðarsinna í loftslagsmálum
Páfinn hótar „skelfilegum“ afleiðingum, ef ekki verður gripið til harðari ráðstafana. Hann gagnrýnir einnig þá sem „afneita, fela, dylja eða gera lítið úr“ loftslagskreppunni. Að sögn Francis er „ekki lengur hægt að efast um – „mannrænan“ – uppruna loftslagsbreytinga sem er að nálgast óafturkræft mark glötunar. Páfinn kennir vestrænni menningu um loftslagsglötun alheims:
„Ef við lítum svo á að losun á hvern einstakling í Bandaríkjunum sé um það bil tvöfalt meiri en hjá einstaklingum sem búa í Kína og um sjö sinnum meiri en meðaltal fátækustu landanna, þá má segja að víðtækar breytingar á þeim óábyrga lífsstíl sem tengist m.a.kerfi Vesturlanda myndi hafa veruleg langtímaáhrif. Þá myndum við með ómissandi stjórnmálaákvörðunum taka framförum á braut raunverulegrar umhyggju hvert fyrir öðru.“
Kyndir undir bann við jarðefnaeldsneyti
Jafnframt vill hann sjá, að loftslagsráðstefna Sameinuðu þjóðanna COP28 í lok ársins leiði til bindandi samninga um að losa sig við jarðefnaeldsneyti:
„Ef það er einlægur áhugi á að gera COP28 að sögulegum atburði sem heiðrar og upphefur okkur sem mannfólk, þá er aðeins hægt að vonast eftir bindandi orkuumskiptum sem uppfylla þrjú skilyrði: að þau séu áhrifarík, bindandi og auðvelt er að fylgjast með þeim.“
Mikil gagnrýni á páfann á samfélagsmiðlum
Á samfélagsmiðlum gagnrýna margir yfirlýsingar páfans samanber 4 dæmi hér að neðan:
