Á samfélagsmiðlum má sjá myndskeið af fagnandi Palestínumönnum í Evrópu vegna blóðugrar hryðjuverkaárásar Hamas á Ísrael eins og sjá má á dæmum X frá London, Birmingham, Rotterdam, Berlín og Malmö neðar á síðunni. Í Malmö óku m.a. bílalestir með fána og fögnuðu blóðugum hryðjuverkaárásum Hamas, þar sem hundruð Ísraela voru myrtir og fjöldinn allur særður.
Ísraelskir fjölmiðlar greina frá því sunnudag, að tala látinna hafi hækkað í kjölfar hryðjuverkaárása Hamas í Ísrael. Nú eru fregnir af meira en 700 látnum og a.m.k. 2150 særðum. Ísraelski flugherinn hefur brugðist við árásunum með því að gera árásir á yfir 800 skotmörk á Gaza. Að sögn palestínskra yfirvalda hafa 370 Palestínumenn látið lífið og um 2.200 særst samkvæmt BBC.
Um helgina voru birt nokkur myndbönd á samfélagsmiðlum sem sýna m.a. Palestínumenn í Svíþjóð fagna morðum og mannránum Hamas á óbreyttum borgurum. Fjölmiðillinn Samnytt tók saman myndskeið m.a. frá Helsingborg, Malmö og Växjö.
Ímamar, kennarar og hjálparstarfsmenn
Doku-miðillinn greindi frá því á sunnudag að þeir hafi gert úttekt á palestínskum hópum á Facebook sem tengjast Svíþjóð. Í hópnum má sjá þúsundir háðs- og fagnandi athugasemda með færslum sem sýna ísraelska borgara tekna af Hamas og færðir til Gaza. Nokkrir þeirra sem leggja fram athugasemdir eru sagðir vera imamar, kennarar, heilbrigðisstarfsmenn og hjálparstarfsmenn. Doku hefur tekið saman úrval af athugasemdum í Facebook hópunum:
- Auga fyrir auga, tönn fyrir tönn, blóð fyrir blóð, dauði fyrir dauða gefur okkur frjálsa Palestínu.
- Friður leysir ekkert þar.
- Í dag fagna allir múslímar
- Ó Guð, rífum þá í sundur
- Ó guð, drepum þá
- Frelsi og réttlæti koma ekki með samningaviðræðum eða sáttum
- Ó Guð, gefðu íslam og múslimum sigur, niðurlægðu fjölgyðistrú og fjölgyðistrú og tortímum óvinum trúarbragða okkar.
- Sigur fyrir Palestínuaraba Mujahideen
- Sjúkrahús munu fyllast af gyðingum, sumir þeirra eru særðir og aðrir eru með geðsjúkdóma, vegna þess að þeir eru mestu skræfur á jörðinni
- Ég vaknaði og líður eins og ég sé í draumi hahahahahahahahahahahahahahahahaha
- Við höfum aldrei verið jafn hamingjusöm
- Gleðitár mín hætta aldrei
Hryðjuverkaárásinni fagnað víða innan ESB
Svipaðar hyllingarmyndbönd eru einnig frá nokkrum borgum víða um Evrópu. Hér að neðan eru myndbönd frá Birmingham, Rotterdam, Berlín og London.
