Marine Le Pen lýsir nýjum innflytjendasamningi ESB sem „sjálfsmorði Evrópu.“ ESB-þingið hefur núna samþykkt samninginn. Sænska ríkisstjórnin ásamt Svíþjóðardemókrötum studdu samninginn.
Samningurinn felur í sér, að hælisleitendum verður dreift með valdi á milli aðildarríkja ESB. Ríki sem neita að taka á móti sínum hlut verður refsað með sektum upp á um 4 milljónir íslenskar krónur á hvern innflytjanda.
Allt að 75 milljónir nýrra innflytjenda til ESB
Nýju lögin voru samþykkt á miðvikudag á ESB-þinginu. Franski forsetaframbjóðandinn Marine Le Pen segir að:
„Sáttmálinn er skipulögð áætlun að drekkja Evrópu og er raunverulega samningur við djöfulinn sem mun leiða til sjálfsmorðs Evrópu.“
Le Pen hefur spáð því, að innflytjendasamningurinn muni leiða til þess, að 75 milljónir innflytjenda frá þriðja heiminum komi til ESB.
Fyrrum kvótainnflytjendur flykktust til Svíþjóðar
Róbert Gönczi, sérfræðingur hjá Innflytjendastofu Ungverjalands, segir samkvæmt Remix News, að kvótakerfið sé vandmeðfarið, vegna þess að innan Schengen-svæðisins sé erfitt að stjórna því, hver sé að ferðast hvert. Hann tekur kvótainnflytjendur sem dæmi sem áður voru sendir til Eystrasaltsríkjanna þriggja. 90% þeirra hurfu innan árs og birtust síðar í Svíþjóð, Þýskalandi og öðrum ríkjum Vestur-Evrópu. Hann segir:
„Endurdreifingarkerfið getur skapað flæði innan ESB frá þeim löndum sem farandverkamennirnir hafa verið fluttir til og til þeirra landa sem þeir vilja raunverulega vila fara og vera í.“
Óljóst með varðveislu ytri landamæra ESB
Hvernig sáttmálinn mun auka gæslu á ytri landamærum ESB er líka óljóst. Róbert Gönczi segir:
„Fullyrt er að stærstu áhrif samningsins sé að efla vernd á ytri landamærunum en einstök atriði þeirrar útfærslu eru enn óljós.“
Hér að neðan má heyra afstöðu Marine Le Pen (á frönsku) til málsins:
