Eftir rannsókn sem sýndi leifar af kókaíni á salerni fjögurra flokka á sænska þinginu, þá segir Jimmie Åkesson, leiðtogi Svíþjóðardemókrata, að eðlilegt sé að þingmenn taki fíknaefnapróf til að hreinsa sig frá grun eftir kókaín-hneykslið
Jimmie Åkesson segir í viðtali við Sveriges Radio, SR:
„Það mætti alveg láta þingmenn fara í slíkt próf. Ég veit ekki, hvað lögin segja um það en það væri fullkomlega sanngjarnt að gera það á þessum vinnustað rétt eins og á öðrum vinnustöðum.“
Í umfjöllun Aftonbladet, sem birt var á miðvikudag, kom fram að leifar af kókaíni voru á salernum á flokksskrifstofum Vinstriflokksins, Frjálslynda flokksins, Svíþjóðardemókrata og sósíaldemókrata flokksins. Uppljóstrunin hefur leitt til þess að margir hátt settir aðilar hafa lýst yfir áhyggjum af ástandinu.
