Fulltrúar Ísraels settu upp gyðingastjörnuna sem gyðingar voru merktir með í Þýskalandi nasismans
Hamas hafði trúlega ekki vitneskju fyrir fram um tónlistarhátíðina Supernova 7. október en uppgötvaði hana í gegnum dróna. Það er sú ályktun sem núna hefur verið dregin í Ísrael, segir í frétt Haaretz.
Ísraelska dagblaðið Haaretz greinir frá því, að Hamas hafi líklega ekki vitað fyrir fram af ísraelsku útihátíðinni 7. október. Tala látinna hefur nú verið endurskoðuð upp í 364 manns, þar af 17 lögreglumenn. Þetta er „vaxandi álit öryggisstofnunnar Ísraels“ skrifar blaðið.
Upphaflega átti hátíðin að fara fram á milli fimmtudags og föstudags. Það var fyrst á þriðjudaginn sem aukahátíðardagur, laugardagurinn, bættist við. Að þessi breyting hafi gerst svo seint styrkir það mat, að Hamas hafi ekki vitað af hátíðinni áður, útskýrir Haaretz. Matið byggir einnig á viðtölum og rannsókn lögreglu. Auk þess munu flestir þátttakenda hátíðarinnar hafa náð að yfirgefa svæðið áður en Hamas kom. Rannsóknin bendir líka á annað skrifar Haaretz:
„Samkvæmt heimildarmanni lögreglu bendir rannsóknin einnig til þess, að þegar herþyrla Ísraelshers kom á vettvang og skaut á hryðjuverkamenn, þá hafi greinilega nokkrir þátttakendur hátíðarinnar lent í skotlínunni.“
Al Jazeera hefur einnig greint frá því sama:
„Í fyrstu rannsókn lögreglunnar á Supernova hátíðinni kom einnig í ljós, að ísraelskir hermenn voru ábyrgir fyrir sumum dauðsföllum… Lögreglurannsóknin leiddi í ljós, að þegar ísraelsk herþyrla hóf skothríð á árásarmennina hæfðu skotin einnig nokkra þátttakendur á hátíðinni.“
