Fyrrverandi „dráttarvél“ Evrópu, sem enn er að ná sér eftir hörmulegar lokanir í heimsfaraldrinum, er særð af óheftum fjöldainnflutningi, örkumla vegna stefnu græningja í loftslagsmálum og örmagna eftir þátttöku í umboðsstríði gegn Rússum í Úkraínu.
Hið óstarfhæfa þriggja flokka bandalag undir forystu Olafs Scholz – óvinsælasta kanslara í sögu Þýskalands – er ekki sammála um marga hluti og þegar þeir ná samkomulagi, þá eiga þeir í vandræðum með framkvæmdina. Það sýndi sig vel, þegar stjórnlagadómstóllinn lagði bann á áætlun stjórnarinnar að nota skuldaheimildir vegna heimsfaraldursins til að fjármagna loftslagssvindlið. Við þetta eymdarástand bætist svo uppreisn bænda, verkfall járnbrautarstarfsmanna og verkfallshótanir starfsmanna heilbrigðisstéttarinnar.
Þýskaland er lamað
Það er því engin furða, að skoðanakannanir sýna að íhaldsmenn mælast með meira fylgi, þar sem rísandi stjörnur frá Valkosti fyrir Þýskaland, AfD, eru á mörkum þess að komast til valda ef kosningaúrslit verða til samræmis við kannanir.
„Með lamandi verkföllum járnbrautarstarfsmanna sem mótmæla launum og vinnuskilyrðum ásamt átta daga mótmælum bænda á landsvísu, þá breytist Þýskaland hratt í sjúkling Evrópu.“
„Ástandið breyttist í martröð, þegar þeir sem tóku bílinn í vinnuna komust ekki út á hraðbrautirnar sem bændur og vörubílstjórar höfðu lokað. Ásamt læknum sem hóta einnig að fara í verkfall í næstu viku, þá fer Þýskaland inn í óánægjuvetur sem hófst með uppreisn bænda.“
Skapar verkfræðilega hannaða hungursneyð
Bændur mótmæla ekki einungis niðurfellingu eldsneytisstyrkja heldur eru í hetjulegri baráttu gegn ofsóknum glóbalistaharðstjórum sem vilja sjá landbúnaðinn feigan. Er það sams konar ógnarstefna og bæði Stalín og Maó Tsetung ráku gegn sínum bændum og skapar það sem íhaldsmenn kalla „verkfræðilega hannaða hungursneyð.“
Óvinsældir Olof Scholz hafa aukist verulega vegna ringulreiðarinnar í stjórnmálunum. Samtímis og verið er að mjólka peninga af bændum eru verið að senda milljarða evra til Úkraínu. Ákvarðanir eru teknar í „Berlínarbólunni“ úr tengslum við þýskan veruleika og fólk í dreifbýlinu skilið eftir. Kosningar eru í Þýskalandi í nóvember og Valkostur fyrir Þýskaland gæti komist til valda. Það reyna hinir flokkarnir að stöðva með öllum ráðum.
