Þýsku bændurnir munu ekki sætta sig við fyrirhugaðan niðurskurð. (Skjáskot X @ Risemelbourne).
Þúsundir þýskra bænda mótmæla fyrirhuguðum niðurskurði sem ógnar landbúnaðinum í landinu. Formaður bændasamtakanna lítur á niðurskurðinn sem stríðsyfirlýsingu og segir að þýsku bændurnir muni ekki gefa sig baráttulaust. Þýsk stjórnvöld ætla að hrinda í framkvæmd aðhaldsaðgerðum sem hafa leitt til þess að þúsundir þýskra bænda hafa farið út á götur og torg í miðborg Berlínar til að mótmæla.
Ríkisstjórnin vill spara 900 milljónir evra á ári með því að afnema niðurgreiðslur á dísilolíu og sumar skattaívilnanir sem bændur hafa haft fram að þessu.
Stríðsyfirlýsing
Fyrirhugaður niðurskurður mun bitna mjög á þeim bændum sem þegar eiga í miklum erfiðleikum. Formaður bændasamtakanna, Joachim Rukwied, lítur á ákvörðun ríkisstjórnarinnar sem stríðsyfirlýsingu. Hann segir við AFP:
„Þetta er stríðsyfirlýsing og við ætlum að taka slaginn.“
Rukwied krefst þess að tillagan verði dregin algjörlega til baka og varar við því að það verði „mikil andstaða“ ef ríkisstjórnin gefur sig ekki, segir í frétt Süddeutsche Zeitung. Rukweid varar við því, að bændur muni ekki ná endum saman ef niðurskurðurinn hverfur:
„Við munum ekki ráða við það.“
Búað á landbúnaðarráðherrann
Matvæla- og landbúnaðarráðherra Þýskalands, Cem Özdemir, fór að Brandenborgarhliðinu þar sem bændur höfðu safnast saman. Á staðnum reyndi hann að halda ræðu og lofaði að reyna að milda niðurskurðinn. En bændur á staðnum voru ekki sáttir við „loforðið“ og bauluðu og flautuðu á ræðu ráðherrans nokkrum sinnum.
