Héðan eftir munu heilbrigðisyfirvöld trúa þeim konum sem koma á fæðingardeildina til að fæða börn og segjast vera karlmenn. Verður konan því ávörpuð faðir í framhaldinu.
Kona sem skilgreindi sig sem karl móðgaðist yfir því að vera ekki skráð sem „hann“ þegar hún lagðist inn á fæðingardeild sjúkrahússins í Nyköping. Hún kærði sjúkrahúsið fyrir að starfsmennirnir kölluðu hana „móður“ í stað „föður“ og kærði málið til umboðsmanns mismunar í Svíþjóð. Núna hamast yfirvöld við að breyta gagnakerfinu, þannig að feður geti líka fætt börn.
Ófrísk kona sem telur sig vera karlmaður varð mjög móðguð þegar hún fæddi barn sitt á sjúkrahúsinu í Nyköping og var kölluð móðir. Hún ákvað að kæra málið til umboðsmanns mismununar, þar sem hún hafi verið beitt misrétti að vera ekki kölluð faðir á sjúkrahúsinu.
Tölvukerfið sem er notað byggir á sannreyndum líffræðilegum vísindum og samkvæmt þeim geta einungis konur/mæður fætt barn en ekki karlar/feður. En eftir kæruna verður breyting á því. Marie Bennermo, yfirmaður öryggis sjúklinga á Sörmlandssvæðinu segir:
„Við hörmum að sjálfsögðu þessa reynslu sjúklingsins. Það er alfarið ætlun okkar að meðhöndla sjúklingana á réttan hátt.“
Núna er unnið að breytingum á tölvukerfinu. Í framtíðinni verður skráð hver upplifun sjúklingsins er á því hvaða kyn viðkomandi hefur í stað vísindalegrar líffræði.
„Gamalt og úrelt kerfi“
Að sögn Bennermo er það „gömul og úrelt“ nálgun að kalla allar konur mæður sem fæða börn. Ef líffræðileg kona telur sig vera eiginmaður og faðir verða starfsmenn framvegis að spila með til að forðast að gerast afbrotamenn.
Búist er við að hið nýja reynslumiðaða skráningarkerfi verði komið í notkun næsta vor. Ekki eru allir ánægðir með, að heilbrigðisþjónustan víki með þessum hætti frá sannreyndum vísindum fyrir eigin skoðun einstaklingsins. Einn gagnrýnenda er þingmaðurinn Richard Jomshof, Svíþjóðardemókrötum, sem einnig er formaður dómsmálanefndar sænska þingsins. Í athugasemd á X-inu segir hann þá hugmynd, að karlmenn geti fætt börn eintóma „dellu“:
Borgaraleg regnbogapólitík
Regnbogapólitík af róttækari gerðinni tengist almennt vinstri flokkum. Í Sörmlandshéraði, þar sem ákvörðunin var tekin, stjórnar hins vegar bandalag sem samanstendur af Móderötum, Kristdemókötum, Miðflokknum og einum staðbundnum flokki.
