Yfir 1.000 múslímar hafa látist í pílagrímsferð til Mekka í Sádi-Arabíu á þessu ári, líklega vegna mikils hita. Næstum tvær milljónir múslíma fara í lögboðna pílagrímsferð til Mekka á hverju ári.
Að minnsta kosti 1.000 múslimar dóu í pílagrímsferðinni á þessu ári vegna gífurlegs hita. Hitinn fór í 125 gráður á Fahrenheit í Stóru moskunni í Mekka í vikunni. 125 gráður á Fahrenheit eru rúmar 51 gráður á Celsíus. Sádi-arabískir embættismenn eru hins vegar þöglir og neita að gefa upp hvað olli hinum óvenjulega háum fjölda dauðsfalla.
Á árum áður hafa múslimar látist í stórmoskunni af völdum troðninga og farsótta. Margir velta því fyrir sér, að hinn mikli hiti geti hafa leitt til dauða múslímanna. Fjölskyldumeðlimir stóðu í röð við sjúkrastofnun nálægt Stórmoskunni til að bera kennsl á látna ástvini sína.
Tala látinna í pílagrímsferðum í ár er komin yfir 1.000 að sögn APF, fimmtudag. Nýju dauðsföllin sem tilkynnt var um á fimmtudaginn voru m.a. 58 frá Egyptalandi, samkvæmt arabískum diplómata sem birti sundurliðun sem sýndi að af 658 Egyptum sem létust voru 630 óskráðir pílagrímar.
Um það bil 10 lönd hafa greint frá samtals 1.081 dauðsföllum í pílagrímsferðinni, sem er ein af fimm stoðum íslams sem allir múslímar með getu verða að ljúka að minnsta kosti einu sinni á ævinni.
Tímasetning pílagrímsferða ákvarðast af dagatali íslamska tunglsins og lenti aftur á þessu ári á brennheitu sádi-arabísku sumri.