Hvernig stendur á því að ólígarkarnir og glóbalískir meðhjálpendur þeirra eru að reyna að sökkva fyrirtækjum eins og Swebbtv og öðrum álíka óháðum fjölmiðlum? Vegna þess að vald þeirra byggist á því að ráða skoðanamynduninni í samfélaginu. Frjálsir fjölmiðlar, óhefðbundnir fjölmiðlar, eru ógn við þeirri „frásögn“ sem glóbalistar dreifa um bóluefnið, loftslagið, Úkraínustríðið og allt annað. Stríðið í Úkraínu er ágætt dæmi um, hvernig það eru í raun og veru fjölmiðlar alþjóðasinna sem dreifa villandi sögu um heiminn og skilja sannleikann meðvitað útundan. Valdaelítan talar fyrir ritskoðun til að vernda sínar eigin lygar, – ekki til að vernda málfrelsið eins og þeir halda fram.
Mikael Willgert segir í nýjum spjallþætti við Lars Bern hjá Swebbtv:
„Það er hægt að tala um villandi upplýsingar, þegar sú mynd er gefin, að Úkraína sé að vinna stríðið.“
Glóbalistarnir eru dauðhræddir við aðrar upplýsingar en þeir ráða sjálfir yfir
Á ársfundi glóbalistanna hjá World Economic Forum í Davos í fyrri viku, hafa „misvísandi upplýsingar“ og „villandi upplýsingar“ verið stillt upp sem tvær helstu ógnir heims á næstu árum. Greinilega eru glóbalistarnir dauðhræddir við aðrar upplýsingar en þeir sjálfir framleiða og hafa stjórn á. Lars Bern bendir á, að þeir séu dauðhræddir viða að „missa tökin á skoðanamynduninni.“
„Þeir óttast það mest. Mikilvægar upplýsingar um mRNA bóluefnin svo nefndu leiddi til að Youtube lokaði á Swebbtv. Það er eins á Facebook. Þar verður lokað á þig eða vægi þitt minnkað. Eini stóri samfélagsmiðillinn sem tekur ekki þátt í þessu er X eftir að Elon Musk tók við. Við munum sjá hversu lengi hann getur haldið uppi frjálsum skoðanaskiptum.“
Völd glóbalista byggist á einokun yfir skoðanamynduninni
„En það er hin frjálsa skoðanamyndun sem þeir eru hræddastir við. Þeir óttast fyrirtæki eins og Swebbtv. Við erum ein af stóru hættunum. Allt fákeppnisliðið og völd þeirra byggist á einokun þeirra á skoðanamynduninni. Þannig hafa þeir náð heljargreipum á lýðræðinu sem virkar ekki lengur.“
„Við verðum að muna, að Alþjóðaefnahagsráðið WEF eru eigin samtök alþjóðasinna, eigin heimssamtök fákeppninnar.“
Það eru glóbalistarnir sjálfir sem koma með „misvísandi og villandi upplýsingar“
Í raun og veru er það valdaelítan og fjölmiðlar þeirra sem dreifa stöðugt „misvísandi og villandi upplýsingum.“ Úkraínustríðið er skýrt dæmi um það. Mikael Willgert hjá Swebbtv bendir á:
„Það er virkilega hægt að tala um villandi upplýsingar, þegar sú mynd er gefin, að Úkraína sé að vinna stríðið.“
„Já.“ svarar Lars Bern. „Núna skrifar meira að segja New York Times, að Úkraína hafi þegar tapað stríðinu.“
Sjá umræðuþáttinn í heild sinni:
