World Economic Forum hefur klifið úr skugganum og er núna í opinberu samstarfi við Sameinuðu þjóðirnar til að „hraða“ framkvæmd heimsmarkmiðanna 2030. En hvernig sér þessi sjálfseignarstofnun og leiðtogi hennar, þýski hagfræðingurinn Klaus Schwab, framtíð jarðar fyrir sér? Í seinni tíð hefur WEF fagnað Covid-lokunum, mælir með skordýrafæðu í stað kjöts og talar fyrir algerri umbreytingu efnahagskerfisins yfir í „félagslegan kapítalisma.“ WEF setur fram fjölda undarlegra hugmynda innan ramma „Endurræsingarinnar miklu” sem plagar alla plánetuna. Sænski miðillinn Nýir Tímar tók fram ellefu áþreifanleg dæmi um þá framtíð sem WEF er að skapa fyrir okkur öll. Hér birtist seinni hluti greinarinnar (fyrri hlutann má sjá hér).
5 Stjórn hugans með hljóðbylgjum
Árið 2018 var eitt af umræðuefnunum á WEF „Stjórn hugans með hljóðbylgjum.“ Þetta hljómar brjálæðislegt en myndin að ofan er skjáskot af opinberri vefsíðu WEF. Í greininni er tækninni lýst sem hugsanlegri meðferð við Parkinsons og Alzheimerssjúkdómi. En þar segir líka, að „það getur læknað þig, það getur gert þig háðan og það getur drepið þig.“ Ennfremur segir:
„Ég sé daginn koma, þegar vísindamaður getur stjórnað því sem einstaklingurinn getur séð með því að senda réttar bylgjur á réttan stað í heilanum. Ég giska á, að flest andmælin verði svipuð þeim sem við heyrum í dag um leiftursnögg skilaboð í auglýsingum en bara kröftugri og ástríðufyllri. Þessi tækni áhættulaus fyrir misnotkun. Hún getur verið byltingarkennd heilbrigðistækni fyrir sjúka eða fullkomið stjórntæki fyrir þá miskunnarlausu til að stjórna þeim veikari. Í þetta sinn með algjöru eftirliti“
6 „Endurstilling“ tjáningarfrelsisins
Auðveld leið til að bera kennsl á leiðtoga heimsins sem eru undir áhrifum af stefnu WEF er stanslaus aðför þeirra gegn málfrelsinu. Ritskoða verður netið, samfélagsmiðla þarf að hreinsa og leiðrétta þarf fréttir – og allt saman fyrir „öryggi okkar.“ Á fundi WEF í Davos 2022 sagði ástralski „tölvu-öryggismálastjórinn,“ Julie Inman Grant, að þörf væri á „endurstillingu tjáningarfrelsisins.“ Hún sagði:
„Við erum í þeirri aðstöðu að við sjáum aukningu andstæðna alls staðar, þegar það þarf ekki að vera þannig. Ég held, að við þurfum að íhuga að endurstilla fjölda þeirra mannréttinda sem gilda fyrir Internet. Þið skiljið, frá málfrelsi til frelsisins að komast hjá ofbeldi á netinu.“
ESB setti á síðasta ári lög um stafræna þjónustu í þessum anda, sem sögð eru til að vernda notendur frá því að verða fyrir misnotkun og „ofbeldi“ á samfélagsmiðlum sem og „falsupplýsingum.“
7 „Þú munt ekki eiga neitt og lífið hefur aldrei verið betra“
Þetta er líklega myrkasta augnablikið í sögu WEF. Árið 2016 sagði Ida Auken, danskur þingmaður:
„Velkomin til ársins 2030. Ég á ekkert, hef ekkert einkalíf og lífið hefur aldrei verið betra“.
WEF elskaði þessa tilvitnun svo mikið að framleiddi tíst um hana. WEF bjó einnig til myndband sem ber titilinn „8 spár fyrir heiminn árið 2030“ sjá hér að neðan:
Grein á heimasíðu WEF útskýrir málið nánar:„Ég á ekkert. Ég á ekki bíl. Ég á ekki hús. Ég á engin tæki eða föt“ skrifar danska þingkonan Ida Auken. Í borgarlífi ársins 2030 verða innkaup að fjarlægum endurminningum. Borgarbúar hafa leyst vandamálið með hreina orku og lána það sem þá vantar. Þetta hljómar útópískt þar til hún nefnir að verið sé að fylgjast með hverri hreyfingu hennar og að fjöldi óánægðra búi fyrir utan borgarmúranna, sem er hin endanlega sýn um samfélag sem klofið er í tvennt. Í þessari myrku framtíð getur almenningur ekki eignast neitt. Aðeins leigt „þjónustu“ sem verður afhent með drónum.
8 Félagsmálakapítalismi = kommúnismi 2.0
Samkvæmt Klaus Schwab bauð heimsfaraldurinn upp á „sjaldséðan, lítinn glugga tækifæra til að íhuga, endurskapa og endurstilla heiminn okkar.“ Hann bjó til hugtakið Endurræsingin mikla „The Great Reset“ í bók sinni með titlinum „Covid-19: Endurstillingin mikla“ sem kom út þegar 9. júlí 2020, ekki löngu eftir að WHO lýsti yfir heimsfaraldri.
Mikilvægur hluti umbreytingarinnar felst í því að umbreyta öllu efnahagskerfi heims. Þeir vilja færa sig frá kapítalismanum sem er til staðar í dag yfir í „nýtt“ efnahagskerfi sem WEF kallar „hagsmunakapítalisma“ – stake holder capitalism. Þetta orð er þegar orðið að galdrarunu fyrir marga stjórnmálamenn um allan heim. Hægt er að þýða hugtakið sem „hagsmunakapítalisma“ eða „félagsmálakapítalisma“ og er í grófum dráttum útskýrt þannig, að það séu ekki aðeins eigendur fyrirtækja sem eigi að hafa yfirráðin yfir fyrirtækinu, heldur einnig allir sem eiga hagsmuna að gæta í rekstri þess eða verða fyrir áhrifum af rekstri þess. Sem dæmi má nefna viðskiptavini, nágranna, birgja og alla aðra sem kunna að komast í snertingu við vörur fyrirtækisins, allt frá hráefni til endurvinnslu. Mikilvægasta viðmiðunin er að sjálfsögðu eins og venjulega að tryggt sé að félagslegum og pólitískum verkefnum valdastéttarinnar verði framfylgt.
Gagnrýnendur telja, að slíkt kerfi hafi verið reynt áður og kalla hugmyndir WEF „Kommúnisma 2.0.“ Það kemur þó ekki í veg fyrir, að leiðtogar heimsins hylli þessar hugmyndir. Til dæmis mælti Ursula von der Leyen, forseti framkvæmdastjórnar ESB, fyrir „félagslegu markaðshagkerfi“ á fundi í maí á þessu ári. Telur hún að slíkt hagkerfi muni gera „verkamanninn og samfélagið“ að kjarna ESB. Hún benti á „Næstu kynslóð ESB,“ áætlun sem kynnt var eftir heimsfaraldurinn svokallaða, með það að markmiði að „umbreyta“ evrópska hagkerfinu.
9 Fylgjast með fólki gegnum fatnaðinn
WEF vill ráða yfir fötunum þínum. Með umhverfið sem afsökun tilkynnti WEF, að fötin innihaldi „stafrænt vegabréf“ sem stöðugt er hægt að fylgjast með. Með aðstoð Microsoft munu þessar flíkur flæða yfir markaðinn árið 2025. WEF telur að RFID-flögur í fatnaði muni auðvelda tískuvörumerkjum að selja fötin án áhættu á fölskum kópíum. En auðvitað er líka hægt að nota þetta til að fylgjast með þeim sem klæðast þessum fötum.
10 Loftslagslokanir
Hvernig WEF sér fyrir sér hið fullkomna samfélag má sjá með því að horfa á myndskeið þeirra „Lokanir bæta borgir um allan heim.“ Það sýnir tómar borgir sem urðu fyrir lokunum árið 2020 og 2021 til að koma í veg fyrir útbreiðslu smits. Þrátt fyrir þá staðreynd, að lokanir hafi leitt til víðtækra þjáninga fyrir íbúana með sjálfsvígum, fíkniefnaneyslu og atvinnuleysi, þá hyllir WEF þessar aðgerðir. Því er haldið fram að þær hafi verið svo góðar fyrir loftslagið.
11 Forgangsraða öðrum þjóðernishópum fram yfir hvíta – líka í hvítum löndum
Saadia Zahidi, er stjórnarmaður í WEF og ber ábyrgð á þeirri stefnu að mismuna hvítum framleiðendum. Þetta eru ekki lengur bara kenningar, skilti merkingu samkvæmt stefnu WEF sjást þegar í bandarískum verslunum. Mynd: WEF, Twitter
Bandaríska matvælakeðjan Giant Food setti á markað fyrir tveimur árum nýja tegund af hillumerkingum sem undirstrikar vörur sem koma frá framleiðendum sem eru „svart í eigu“, „Latínu í eigu“, „LGBTQ í eigu“ og svo framvegis. Hugmyndin er að viðskiptavinir ættu að velja þetta fram yfir vörur sem koma frá „hvítum eigu“ fyrirtækjum (sjá „Non-white framleiðendur til að njóta góðs af nýjum hillumerkingum“ í NyT v.14/2021).
Hugmyndin er knúin áfram af WEF, sem í febrúar 2021 setti af stað verkefnið „Samstarf um kynþáttaréttlæti í viðskiptum“ – Partnering for Racial Justice in Business. Því er lýst sem „alþjóðlegu frumkvæði sem sameinar leiðandi ábyrg fyrirtæki til að stuðla að fjölbreytileika og þátttöku fólks af öllum kynþáttum.“ Talið er að þetta sé sá þáttur áframhaldandi samfélagsbreytinga sem situr á hakanum og verði núna að forgangsraða. WEF skrifar meðal annars:
„Þrátt fyrir allar þær framfarir sem náðst hafa í fjölbreytileika og samstöðu á undanförnum árum, þá er enn langt í land í jafnréttismálum á vinnustöðum. Á meðan fjölmiðlar og viðskiptalífið sýni óframfærnum hópum mesta athygli eins og konum og LGBTQ fólki (kynferðislegir minnihlutahópar), þá er kynþáttaréttlæti fyrir fólk af öllum kynþáttum og þjóðerni – önnur meginstoð fjölbreytileikans og samstöðustefnunnar.“
Saadia Zahidi, forstjóri WEF er 30 ára múslimsk kona. Hún stjórnar verkefni kynþáttaréttlætisins og segir:
„Til að skapa kynþátta- og þjóðernislegan réttlátan vinnustað þurfa fyrirtæki að horfast í augu við kerfislæga kynþáttafordóma og taka ekki aðeins á uppbyggingu og félagsaðstæðum hjá sjálfum sér heldur einnig að endurmóta það hlutverk sem þau gegna í samfélögum sínum og hagkerfinu í heild.“
