Andglóbalisminn er í sókn meðal stjórnarandstöðuflokka. Breski „arfleifðarflokkurinn„ Heritage Party, sem var stofnaður í október 2020, lýsir alþjóðahyggjunni sem örlagamáli fyrir landið. Globalistar stjórna öllum rótgrónu flokkunum að sögn flokksleiðtogans David Kurten. Og þeir eru að fara með Bretland og heiminn inn í svartnætti alræðisríkisins.
Áður lögðu stjórnarandstöðuflokkar í Evrópu áherslu á óheftan fjöldainnflutning. En núna er baráttan gegn alþjóðahyggjunni, glóbalismanum, komin á dagskrá hjá flokkum eins og Valkosti fyrir Þýskalandi og einnig sams konar flokki í Svíþjóð. Heritage Party í Bretlandi, undir forystu David Kurten, sem áður var í framboði fyrir Sjálfstæðisflokkinn í Bretlandi er skýrt dæmi um þessa þróun.
Bretland má ekki verða að framtíðarsýn kínverska kommúnistaflokksins og WEF
Á árlegri ráðstefnu Heritage flokksins réðst David Kurten á loftslagskreppuna, Covid-bóluefni, Dagskrá SÞ fyrir 2030 og aðrar hugmyndir hnattræningjanna. Kurten telur, að glóbalistarnir séu að eyðileggja hið fagra og mikla Bretland og sagði í ræðu sinni:
„Þeir eyðileggja hvern einasta stað hérlendis. Þeir nota sveitarfélögin til að koma öllum þessum verkefnum í framkvæmd. Allt er hluti af sömu dagskrá. Dagskrá 2030 sem mun gjörbreyta heiminum sem við búum í. Þeir vilja skapa allt annan heim. Heim þar sem við höfum ekkert frelsi. Heim þar sem við höfum 15 mínútna borgir. Heim þar sem við höfum stafræna seðlabankapeninga, þar sem reiðuféð er horfið og peningunum okkar er stjórnað af stjórnvöldum, sem ákveða hvenær og í hvað þú getur notað peningana þína. Ef þú ert með rangt félagslegt lánshæfismat gætir þú lent í því að fá ekki að kaupa neitt. Þetta kerfi er nú þegar til staðar í Kína.“
Gömlu flokkarnir þegar herteknir af glóbalistum
Að sögn Kurtens eru allir rótgrónir flokkar í fangi hnattræningjanna:
„Ég vil ekki að land vort verði framtíðarsýn kínverska kommúnistaflokksins og World Economic Forum. Ég vil að þetta land sé frjálst og ég vil endurheimta frelsi okkar! Hverjir aðrir geta gert það? Allir gömlu flokkarnir og þingmenn þeirra fylgja sömu stefnu.“
Loftslagskreppan er ein af svikum glóbalismans
Loftslagskreppan er ein af svikum glóbalismans segir hann ennfremur.
„Ég hef bakgrunn í efnafræði og get fullvissað ykkur um, að koltvísýringur er engin hættuleg djöflalofttegund. Við þurfum ekki að vera hrædd við hann og hann mun ekki skaða ykkur. Við þurfum ekki að hafa áhyggjur af losun koltvísýrings. Við þurfum ekki að drepa kýr vegna þess að þær losa metan en slíkt reyna þeir að gera í sumum löndum og myndu gera hér líka ef þeir gætu.“
„Ég held að menn séu farnir að vakna við þessa stefnu og tala um hana. Fólk er að verða meðvitað um hversu rangt þetta er.“
David Kurten lofar að afnema harðstjórnarlög og tryggja frelsi Breta. Flokkurinn hans mun meðal annars afnema „Loftslagsbreytingalögin“ frá 2008 og fella niður nettó núlllosun, því „nettó núll er kjaftæði!“ segir hann. Flokkurinn vill einnig hætta að fjármagna staðgengilsstríðið gegn Rússlandi í Úkraínu.
Hlusta má á ræðu hans í heild sinni á myndskeiðinu að neðan. Þar fyrir neðan eru stuttir bútar úr ræðum nokkurra flokksmanna á ráðstefnu Heritage flokksins.
Úrklippur úr öðrum ræðum á ráðstefnunni:
