Rauðgræna borgarstjórn Stokkhólmsborgar bannar bensín- og dísilbíla í höfuðborginni í lok næsta árs segir í frétt SVT. Nær bannið yfir afmarkað svæði í miðborg Stokkhólms.
Er í fyrsta sinn tekinn upp „umhverfissvæðisflokkur 3“ í Svíþjóð. Svæðið mun ná yfir tuttugu blokkir í miðborg Stokkhólms, innan Kungsgatan, Birger Jarlsgatan, Hamngatan og Sveavägen. En inngangur og útgangur Klöruganganna hefur einnig áhrif. Ætlunin er að stækka svæðið enn frekar með nýrri ákvörðun árið 2025.
SVT bendir á, að allir hafi ekki efni á rafbíl. Yfirmaður umferðarmála borgarinnar, Lars Strömgren, segir í SVT:
„Það eru ekki svo margir sem búa á þessu svæði – það eru að mestu vörusendingar hingað.“
Tilgangur ákvörðunarinnar er meðal annars að „stuðla að nýsköpun og breytingum“ segir Strömgren í P4 Stokkhólmi. Dennis Wedin borgarfulltrúi stjórnarandstöðunnar segir við TT:
„Þetta er hugmyndafræðileg táknræn pólitík.“
