Gunnar Strömme, dómsmálaráðherra Svíþjóðar, segir í samtali við Dagens Nyheter, að stefna fyrri ríkisstjórnar hafi leyft sænska samfélaginu að rotna með vaxandi glæpahópum og að allt kerfið sé í húfi. Finna verið nýjar leiðir og hugmyndir til að ná tökunum á Svíþjóð aftur. Eins og margir hafa varað við, þá þarf að grípa til óvenjulegra ráðstafana núna til við þær óvenjulegu aðstæður sem ríkja í Svíþjóð.
Á meðan Svíar voru uppteknir við að rökræða, hvort það mætti yfirhöfuð efast um hina hömlulausu innflytjendastefnu og fjölmiðlar eltu þá sem voru gagnrýnir, þá streymdu hundruð þúsunda manna inn í landið. Aðallega með það að markmiði að samlagast ekki Svíþjóð heldur einungis til að lifa á velferðarkerfinu. Sænska velferðarkerfið byggist á því, að allir vilji gera rétt fyrir sig en til staðar sé rausnarlegt, tímabundið öryggisnet, ef eitthvað fer úrskeiðis. Því miður virkar þett kerfi ekki fyrir alla menningu og siði.
Aðlögun mafíunnar ógnar öllu samfélaginu
Niðurstaðan er sú, að Svíþjóð er í dag eitt af hættulegastu ríkjum Evrópu. Þar þrífast íslamistar og hryðjuverkamenn sem dreifa gyðingahatri um allt. Sænska samfélagið, sem áður var opið með sterka félagslega samheldni, er hægt og örugglega að breytast í samfélag hárra múra, afgirtra svæða og tortryggni. Þeir sem reyndu að benda á, að þessi samsetning gæti ekki gengið í lengdina og myndi leiða af sér sundrað samfélag, voru stimplaður sem samsæriskenningarsmiðir og illmenni.
Í sumar lýsti þá nýskipaður dómsmálaráðherra Gunnar Strömmer því yfir, að ástandið í landinu væri mun verra en hann hefði haldið í fyrstu. Hann segir í nýju viðtali að mikið sé í húfi – skotárásirnar og mafíukennd samlögun ógni sænsku samfélagi:
„Við höfum verið grandvaralaus sem land. Við höfum verið opið, frjálst og samheldið samfélag sem hefur að stærstum hluta byggst á trausti og mjög lítið á formlegu eftirliti. En þegar við stöndum frammi fyrir áskorunum, þ.e. raunverulegum vandamálum, þá er friðarskaðinn þannig að við viljum helst ekki vakna og taka á þeim stóru vandamálum sem við stöndum frammi fyrir.“
Innlend hryðjuverkastarfsemi
Strömmer bendir á hryðjuverkið, þegar tveir Svíar voru myrtir í Brussel nýlega, sem dæmi um hvers vegna fólk sem neitað hefur verið um landvistarleyfi þurfi að fara úr landi.
„Til þess að við getum forðast öll þau vandamál sem skuggasamfélagið hefur í för með sér, sérstaklega öryggisvandamálin.“
Strömmer segir stríð glæpahópanna vera innlenda hryðjuverkastarfsemi. Samtímis er hægt að snúa þróuninni við með réttri stefnu. Það sem er í húfi er sú Svíþjóð sem við þekkjum sem vel starfandi réttarríki, með óháða lögreglu, saksóknara, dómstóla og félagsráðgjafa sem þora að taka óþægilegar ákvarðanir og fólk sem þorir að bera vitni.
„Ef okkur tekst það ekki, verður grafið undan því sem við tengjum við frjálslynda lýðræðið okkar. Við verðum að vera tilbúin að grípa til víðtækra aðgerða. Við erum reiðubúin að prófa allar lausnir.“
Komandi kynslóðir munu ekki lifa eins og þær fyrri
Til viðbótar við glæpastarfsemina sem ógnar kerfinu, er einnig töluvert af félagslegum og menningarlegum þáttum, þar sem Svíar eru að verða að minnihlutahópi í sínu eigin landi. Bandaríkjasérfræðingurinn Ronnie Berggren, sem er íhaldssamur þátttakandi í umræðum, segir í athugasemd um viðtalið við Gunnar Strömmer, að Svíar telji almennt enn þá, að þeir geti lifað lífinu eins og áður en komandi kynslóðir muni ekki geta það, eftir að Svíþjóð verði orðið gjörbreytt:
„Eitt af farsælustu löndum heimssögunnar mun leysast upp – Svíar verða þjóðlausir – það er að segja föðurlausir í heimi, þar sem þjóðaröryggið er hið endanlega. Svo kaldhæðnislegt að fólk sem vildi lifa tryggast í heiminum – kastar aðaltryggingunni frá sér. Að auki gerðu þeir þetta í þeirri trú, að þeir væru „góðir,“ þegar þeir eru í raun mjög vondir – gagnvart eigin fólki.“
