Áætlanir glóbalista sem þeir kalla „Endurræsinguna miklu“ – The Great Reset, leiðir hugann að lokastjórnun samfélagsins skrifar Gullan Malmquist í pistli í sænska Nýja Dagblaðinu.
Hvað er Endurræsingin mikla – „The Great Reset? The Great Transition“ – eða í beinni þýðingu „Umskiptin miklu“ þ.e.a.s. eftir covid-19. Er þetta tilbúningur? Eða er hin nýja heimsskipun „The New World Order“ leiðin inn í kommúnískt heimseinræði sem ekkert okkar mun geta sloppið frá?
Almenningur óvitandi um það sem er að gerast
Stóru umskiptin eiga sér stað í áföngum. Markmiðið er að færa allt vald frá þjóðunum til einnar alheimsstjórnar. Sérhverjum einstaklingi verður stjórnað stafrænt í gegnum stafræna seðlaveskið. Ferlið hefur staðið yfir í mörg ár og almenningur hefur yfirleitt enga hugmynd um hvað er að gerast, vegna þess að málið fær enga gagnrýni í opinberri umræðu.
Hverjir eru þá glóbalistarnir? Þeir eru WEF (World Economic Forum), G20 (20 efnuðustu ríki heims), BIS (Bank for International Settlements, yfirseðlabanki hins vestræna heims), SÞ (Sameinuðu þjóðirnar), WHO (Alþjóðaheilbrigðisstofnunin), ESB (Evrópusambandið) og margir, margir fleiri. Glóbalistarnir og ríkisstjórnir heimsins hafa samskipti sín á milli í gegnum netrás sem heitir Top Link.
Glóbalistarnir hafa samskipti sín á milli í lokuðu kerfi Top Link
Eru áformin leynileg? Aðeins að hluta. Top Link er leyndarmál, ekki háð kynningarreglunni og það sem ákveðið er þar fyrir janúarfundina í Davos fer þannig fram hjá lýðræðislegu gagnsæi. Lesa má um alþjóðlegar dagskrár eins og „Agenda 2030″ á heimasíðu viðkomandi stofnunar. Ástæðan fyrir því, að áformin virðast leyndarmál er líklega sú, að almenningur fær ekki upplýsingar af því að blaðamannastéttin fylgist ekki með ferlinu nema með örfáum undantekningum hjá óháðum fjölmiðlum. Flestum Svíum finnst það líklega of flókið og óskiljanlegt til þess að kynna sér og skilja tilgang Agenda 2030.
Í gegnum Top Link eru janúarfundirnir í Davos í Sviss undirbúnir. World Economic Forum, WEF, undir forsæti Klaus Schwab, er burðarás hins alþjóðlega tengslanets. Hin miklu umskipti koma fram í Dagskrá 2030 á jákvæðum nótum með 17 undirmarkmiðum, svo sem að útrýma fátækt í heiminum, en árangurinn verður yfirþjóðlegt eftirlit með einstaklingum á öllum sviðum lífsins án undantekninga.
Öll svið lífsins yfirtekin með stafræna seðlaveskinu
Heimur glóbalismans hefur sína eigin ákvarðanatöku sem ríki heimsins, svæði og sveitarfélög heyra undir. Tilgangurinn er eftirlit með CO2-fótspori hvers og eins, fjárhag, húsnæði, mat og bólusetningum. Með stafrænu veski verða öll svið lífsins yfirtekin.
Hugur minn leitar til spár Biblíunnar um eftirlitssamfélag endatímans, þegar enginn mun geta keypt neitt eða selt án þess að hafa merki dýrsins á hendi sér eða enni.
Látum ekki eftirmælin um okkur verða: „Við sáum þetta ekki koma.“
Gullan Malmquist, meðlimur í Flokki kristinna gilda
