Stuðningsmenn Palestínu mótmæla í Frakklandi (Mynd: Hossam el-Hamalawy / CC share alike).
Eftir að hryðjuverkasamtökin Hamas gerðu árás á Ísrael, þá bannar ríkisstjórn Frakklands allar stuðningsgöngur við Palestínu í Frakklandi. Munu forráðamenn slíkra stuðningsaðgerða við Palestínu verða handteknir af lögreglunni.
Samkvæmt Politico hefur Gérald Darmanin innanríkisráðherra Frakklands sent „ströng fyrirmæli“ um að stöðva öll fyrirhuguð mótmæli til stuðnings Palestínu. Vísar hann til þess að „mótmælin munu að öllum líkindum trufla almenna reglu“ í landinu. Ráðherrann skrifar:
„Að skipuleggja slík mótmæli á að leiða til handtöku viðkomandi.“
Streyma út á götur og torg til að fagna morðum Hamas
Stuðningsaðilar hryðjuverkasveitarinnar Hamas hafa streymt út á götur og torg í hinum ýmsu löndum í Evrópu til að hylla hryðjuverkin á Ísraelsmönnum. Hér að neðan eru nokkur myndskeið því til sönnunar:
