Árið hefur minnst sagt verið viðburðaríkt. Hugmyndafræðilegar línur eru allar að skýrast, vefararnir vondu geta ekki lengur falið sig og sífellt fleiri sjá gegnum svikavefinn. Það er sama hvort það er heimatilbúið veiruvopn, drápslyf, græn lygi, vopnaskak, íbúaskipti, afnám þjóðarréttar og mannréttinda – glóbalistarnir geta ekki lengur falið sig. Saumarnir eru að rifna, gríman að falla af.
Sá sem hefur sýnt mesta úthaldið í þessum ljóta feluleik er Kommúnistaflokkur Kína en klær kínverska drekans læsast sífellt fastar í efnahag, stjórnmál og þjóðir heims. Þar á eftir að koma margt ljótt í ljós og enn frekar hjá kommúnistavinum þeirra á Vesturlöndum eins og Klaus Schwab og Joe Biden. Þeim síðarnefnda hefur tekist að tryggja að nafn helsta stjórnmálaandstæðingsins, Donald Trumps er komið í sögubækurnar á sama hátt og Abraham Lincolns með því að banna að hann fái að bjóða sig fram til forseta eins og Suðurríkin gerðu við Lincoln heitinn á sínum tíma.
Endurkoma Ku Klux Klan
Einn hlut þurfa allir að vita og skilja til að átta sig á háttalagi demókrata í dag: Það voru þeir sem klæddust Ku Klux Klan hvítu strútshöttum sem notuðu ofbeldi með kynþáttahatri til að vernda „eignarrétt“ sinn á svörtum. Abraham Lincoln var eins og Trump, frambjóðandi og forseti repúblikanaflokksins og stóð fyrir frelsi og mannréttindi, lýðræði og sjálfsákvörðunarrétt. Fasistar sem kalla sig jafnaðarmenn og nasistaforinginn Hitler sem vinstri menn segja að hafi verið hægri maður en var í reynd formaður þjóðlega þýska verkamannaflokksins með sósíaldemókratíska pólitík, eru meistarar lygavefsins.
Engir eru eins ofsóttir í dag um víða veröld og kristnir menn. Eitt af markmiðum „endurræsingarinnar miklu“ er að útrýma kristindómnum. Fólk má ekki lengur þykja vænt hvert um annað, hjálpa bágbornum, mynda fjölskyldur og heiðra föður sinn og móður. Það má ekki einu sinni lengur segja faðir eða móðir. Geðveikin er slík í darraðardansi djöfulsins, að núna á að spyrja nær ómálga barn, hvaða kyn það vilji verða þegar hann eða hún verða stór!
Boðorðin tíu
Boðorðin tíu standa tímans tönn. Þessi merkilegi stjórnarsáttmáli mannsins og guðs sem rýmist í tíu leiðbeiningum stendur upp úr myrkrinu sem eilífðarviti og ljós guðs:
- Þú skalt ekki aðra Guði hafa.
- Þú skalt ekki leggja nafn Drottins Guðs þíns við hégóma.
- Halda skaltu hvíldardaginn heilagan.
- Heiðra skaltu föður þinn og móður.
- Þú skalt ekki mann deyða.
- Þú skalt ekki drýgja hór.
- Þú skalt ekki stela.
- Þú skalt ekki bera ljúgvitni gegn náunga þínum.
- Þú skalt ekki girnast hús náunga þíns.
- Þú skalt ekki girnast konu náunga þíns, þjón, þernu, fénað né nokkuð það sem náungi þinn á.
Talað er um syndirnar sjö: Hroka, öfund, reiði, þunglyndi, ágirnd, ofát og munúðarlíf. Eru þær andstæðar dyggðunum sjö: Visku, hófsemi, hugrekki, réttlæti, von, trú og kærleika sem Jesús Kristur boðaði og lifði eftir.
Og það er einmitt hið jákvæða þessi jól sem endranær: Fæðing frelsarans minnir á að lífið sigrar dauðann, vonin vonleysið, réttlætið óréttlætið og friðurinn stríðið. Þótt engu sé líkar en myrkrahöfðinginn sé að leiða Jesús okkar eina ferðina enn á krossinn, þá mun hið góða sigra að lokum. Látum aldrei efast í þeirri trú og sýnum hugrekki til að vernda og viðhalda ljós kærleikans.
Gleðileg jól 2023.
