Vinstrisamtök Gretu Thunberg, „Föstudagar til framtíðar“ Fridays for Future, taka afstöðu með hryðjuverkaódæði Hamas þann 7. október sl. Yfirlýsingar Grétu-samtakanna til stuðnings hryðjuverkasamtökunum eru birtar á alþjóða Instagram reikningi Föstudaga fyrir framtíðina.
Í myndasyrpu lýsa Grétu-samtökin „hvernig fjölmiðlar hins vestræna heims heilaþvo þig til að styðja Ísrael.“ Ísrael er sakað um að fremja þjóðarmorð á Gaza og sagt, að það sé kynþáttahatur að styðja gyðinga Ísraels í deilunni.
Færslur Föstudaga til framtíðar tengjast áfram öðrum reikningi „Sumayeah“ sem nafnlaus þýskumælandi hefur fyrir loftslagsáróður Grétu Thunberg. Þar kemur fram enn harðari afstaða til stuðnings hryðjuverkasamtökum Hamas:
„Píslarvottarnir dóu ekki til einskis. Verjum hiklaust málstað þeirra.“ – Einnig er hvatt til: „Viðnáms til sigurs. Bindum endi á hertökuna. Rústum algjörlega tilveru Zíonista.“
Eldri kona, sem hryðjuverkasamtökin tóku í gíslingu og létu lausa, er ásökuð um að ljúga til um reynslu sína.
Á samfélagsmiðlum er loftslagshreyfing Grétu Thunberg gagnrýnd fyrir þennan opinskáa stuðning við versta hryðjuverk gegn gyðingum síðan á dögum helfararinnar. Getgátur eru einnig í gangi um að reikningurinn „Sumayeaah“ sem loftslagshreyfing Grétu tengist, vísi til Sumayyah Bint Khayyat. Hún var fyrsti kvenkyns píslarvottur íslam samkvæmt þeirri trú.
Greta Thunberg hefur áður tekið afstöðu fyrir Gaza, sem er stjórnað af hryðjuverkasamtökunum Hamas.
