Barry Young starfsmaður heilbrigðisráðuneytis Nýja Sjálands sem afhjúpaði sannleikann um öll dauðsföll vegna Covid-19 bólusetninga hefur verið látinn laus úr fangelsi. Í nýju viðtali (sjá myndskeið að neðan) lýsir hann því, hvernig það bar að, þegar hann var handtekinn fyrir að uppljóstra um þær tölur sem hann sá í gögnum heilbrigðisráðuneytisins um dauða vegna Covid-19 bólusetninga. Það sem hlýtur að vekja athygli Íslendinga er að spyrjandinn Kelvyn Alp fullyrðir, að Ísland sé í fararbroddi alþjóðlegrar rannsóknar á útbreiðslu Covid. Ekki kemur fram hvaða rannsókn hann er að tala um og því eðlilegt að spyrja hvort slík rannsókn sé í gangi og ef svo er, þá hver annist rannsóknina.
Kelvyn Alp: Barry velkomin aftur í hinn raunverulega heim eftir að vera sleppt úr Rimutaka fangelsinu um það bil 1:00 síðdegis í dag samkvæmt úrskurði dómara í gær. Hvernig líður þér og hvað er næsta skref þitt?
Barry Young: Það er svo gott að vera laus úr prísundinni. Góði guð að vera í hinum raunverulega heimi. Já, ég er eiginlega bara ofviða yfir öllu sem er að gerast en stuðningurinn þarna úti er ótrúlegur. Það var fallegt að sjá allt þetta fólk við réttarhöldin og allir stóðu með mér. Það ætti að segja eitthvað. Ríkisstjórnin þarf að hlusta á fólkið. Ég meina þetta er…það sem er að gerast er rangt og þeir ættu að gera eitthvað í því. Það er bara ekki rétt það sem er í gangi. Það þarf að skoða þessa hluti. Þeir geta sett mig í fangelsi, þeir geta sett mig í búr, en þeir geta aldrei fangelsað sannleikann.
Ísland í fararbroddi alþjóðlegrar rannsóknar á Covid-19
Kelvyn Alp: Já, hundrað prósent. Núna er Ísland auðvitað í fararbroddi alþjóðlegrar rannsóknar á útbreiðslu Covid og frásögninni. Það eru augljóslega áhyggjur alls staðar í heiminum, það er mikil aukning á dánartíðni. Þú hefur verið að benda á það hér á Nýja Sjálandi og þeir reyna að þagga niður í þér og loka þig inni vegna viðleitni þinnar við að bjarga fólki. En auðvitað fékkstu Matthew Hake frá fremstu línu, frábæran lögfræðing sem hefur gert mikið fyrir fólk. Ætlarðu að tempra viðbrögð þín núna eða ætlarðu að standa staðfastur og halda baráttunni áfram?
Barry Young: Ég er að segja sannleikann. Þeir segja að það sé í óheiðarlegum tilgangi en það er ekkert óheiðarlegt hér. Ég hef aldrei sagt óheiðarlegt orð, þetta er allt þarna úti. Sannið að ég hafi rangt fyrir mér. Það er enginn óheiðarleiki í neinu sem ég hef sagt eða gert. Ég er alveg 100% á því. Ég vona bara að þetta takist að lokum…Ef ég væri bara vitleysingur að fara með fleipur, þá myndu stjórnvöld og lögreglan ekki taka mark á mér.
Kelvyn Alp: Lögreglan ræðst á tölfræðinginn, brýtur hurðina og allt og hún handtekur þig og tekur búnaðinn. Ef þú værir ekki ógn við frásögn ríkisstjórnarinnar hefðu viðbrögðin örugglega verið miklu mýkri en þetta.
Ríkisstjórnin að baki handtökunnar
Barry Young: Það myndi maður halda er það væri. Vegna þess að þú veist, að þegar það sýður upp úr, ég var í rauninni ekki að valda neinum skaða. Átta vopnaðir lögreglumenn mættu og handjárnuðu mig úti á götu með öllum þessum óvopnuðum og ómerktum bílum líka. Þeir brutu upp hurðinni hjá mér og rusluðu til á heimilinu mínu. Ég veit að þeir þurfa að vinna vinnuna sína og allt það en þetta kom frá toppnum. Það var afar þungbært og ekki var um venjulega lögregluaðgerð að ræða. Ég get tryggt þér það. Þannig að ríkisstjórnin stóð 100 prósent á bak við aðgerðina.
Kelvyn Alp: Ég vil bara útskýra eitt atriði til viðbótar áður en við hættum. Þú hefur fullt af fólki eins og Alex Jones og fleiri sem vill, að þú sért með í þættinum á morgun, sem er frábært og þarf að breiðast út. Hann ætlar að hvetja aðra uppljóstrara að koma fram, svo hægt verði að fella þetta ferli á heimsvísu. Ég vil bara spyrja þig að því núna: Áður en þú komst með þessar upplýsingar, þá sendir þú þær til allra þingmanna sem þú hafðir heimilisfang hjá. Er það rétt?
Sendi þingmönnum upplýsingarnar áður en hann var handtekinn
Barry Young: Já það er rétt
Kelvyn Alp: Svo þeir vissu um þetta og þögnin hingað til hefur verið yfirgnæfandi.
Barry Young: Yfirgnæfandi. Þú manst eftir frelsismótmælunum í fyrra, þegar enginn þeirra, ekki einn einasti þeirra kom út til að tala við fólkið. Fólkið sem kaus þá, þetta ætti ekki að gerast. Þeir eiga að vera fulltrúar fólksins. Ég vann fyrir ríkisstjórnina og heilbrigðisráðuneytið en ég lít á íbúa Nýja Sjálands sem hina raunverulegu vinnuveitendur mína.
Kelvyn Alp: Frábært, þetta dugar núna. Fyrir hönd okkar allra vil ég þakka þér fyrir hugrekki þitt og við munum fylgjast með þér, vegna þess að ólíkt flestum nýjum sögum sem við fáum núna, þá heldur þessi saga áfram til endaloka sem vonandi leiða til sakamáls gegn öllum þeim sem eru að reyna að drepa allt þetta fólk. Takk fyrir okkur.
Viðtalið við Barry Young hefst á 5.30 mínútu á myndskeiðinu hér að neðan. Þar fyrir neðan er útgáfa af sama viðtali sem var m.a. dreift á Instagram og þar á eftir myndskeið við dómstólinn sem hélt réttarhöld yfir Barry Young.
