Af hverju gengur Vesturlöndum svona illa? Hvers vegna fara Vesturlönd nú á dögum úr einni dellunni yfir í aðra? Svarið er frekar einfalt, segir Lars Bern hjá sænska Swebbtv. Það er vegna þess að í dag er okkur ekki stjórnað í formi vel starfandi lýðræðisríkja heldur af „kakistókratíu“ þ.e. sameiginlegum stjórnvöldum með lélegustu og minnst hæfustu einstaklingum við völd.
Í fréttaþætti um heimsmálin segir Lars Bern:
„Þetta er nákvæmlega það ástand sem ríkir í öllum hinum vestræna heimi.“
Hvernig stendur á því að Vesturlönd eru að eyðileggja sig sjálf og verða sér til skammar í hverju málinu á fætur öðru?
Sjálfsmorð Vesturlanda
Loftslagsmóðursýkin, sem að mati sérfræðinga er blekking, er eitt slíkt dæmi. Þú eyðileggur þitt eigið orkukerfi, gerir íbúana fátækari og eyðileggur þína eigin samkeppnishæfni. Nýlega greindi Viðskiptablaðið frá því að Finnland með rafmagn til aflögu, neyddist til að hætta raforkuútflutningi til Svíþjóðar vegna „lélegs ástands sænska raforkukerfisins.“ Annað dæmi eru nóbelsverðlaunin, sem hríðfella eigið gengi og virðingu (sjá X að neðan).
Að auki höfum við Úkraínustríðið, þar sem Vesturlönd halda áfram að dæla inn vopnum, þrátt fyrir árangursleysi á vígvellinum og sem einungis leiðir til þess, að hundruðum þúsunda úkraínskra hermanna er slátrað fyrir ekki neitt. Svíar hafa hingað til sent yfir 22 milljarða sænskra króna í herstuðning til Úkraínu, sem samkvæmt TV4 er svo gífurlegur að hans mun „gæta í peningaveskjum okkar.“
Orkuinnviðir Evrópu eru sprengdir sundur í hryðjuverkaárás án viðbragða og verið er að framleiða og þvinga „bóluefni“ á fólk sem virka ekki.
Kakistókratí – stjórn skussanna
Lars Bern hjá Swebbtv kemur með svörin í fréttaskýringaþætti Swebbtv:
„Til er grískt orð sem lýsir hvernig hinum vestræna heimi er stjórnað í dag: „Kakistókrati.“ Ég skal segja ykkur, hvað það þýðir. Það þýðir „stjórn þess fólks sem hefur minnstu hæfileikana, – stjórnarform þar sem skussarnir hafa völdin.“ Þetta er nákvæmlega það ástand sem ríkir í öllum hinum vestræna heimi.“
„Þetta útskýrir hvers vegna það gengur svona illa hjá okkur. Þess vegna ráða Vesturlönd ekki einu sinni við stríðið í Úkraínu gegn Rússum heldur verða fyrir barðinu á Rússum.“
