Listaverk ítalska listamannsins Titian „Nauðgun Evrópu“ sem hann málaði á árunum 1560-1562.
Listaverk ítalska listamannsins Titian „Nauðgun Evrópu“ sem hann málaði á árunum 1560-1562.27 aðildarríki ESB völdu nýlega þá leið að skilja dyr álfunnar opnar. Í stað árangursríkrar landamæraverndar var tillaga samþykkt um lögboðið dreifikerfi farandfólks í Evrópu, sem þjónar sem grunnsamningur fyrir frekari samningaviðræður á ESB-þinginu.
Byggt á frásögn Hungary Today. Það tók bara 13 mínútum, en afleiðingar atkvæðagreiðslunnar gætu hafa innsiglað örlög evrópskrar siðmenningar í kynslóðir. Í raun hafa fulltrúarnir greitt atkvæði með því að samþykkja ótakmarkaðan fjölda fólksflutninga frá þriðja heiminum sem þjóðir Evrópu verða að sætta sig við, jafnvel þó það muni þýða, að lífshættir þeirra, lýðræðis- og réttarkerfi muni væntanlega hverfa innan örfárra áratuga. Til að flýta ferlinu hafa ráðherrar ESB-ríkja greitt atkvæði með endurdreifingu innflytjenda, sem mun þvinga farandfólk jafnvel á þær þjóðir sem hafa verið á móti þessu kerfi og valið að vernda landamæri sín í staðinn.
Íbúaskiptin ekki lengur samsæriskenning
Fyrir aðeins áratug var litið á „íbúaskipti“ sem langsótta samsæriskenningu. Eftir atkvæðagreiðslu aðildarríkjanna eru íbúaskiptin fullkomlega trúverðug lýsing á því sem verið er að festa í stofnunum ESB. Einungis tvö lönd voru á móti tillögunni, Ungverjaland og Pólland. Austurríki, Tékkland, Slóvakía, sátu hjá við atkvæðagreiðsluna og önnur lönd kosið þessa braut. Jafnvel Ítalía, sem ber hitann og þungann að verjast flóttamannabátum þýskra ríkisstyrktra félagasamtaka, sem miskunnarlaust sigla með farandverkamenn að ströndum landsins, hefur á endanum látið undan þýskum þrýstingi og greiddi atkvæði með dreifingarkerfi flóttafólks innan ESB. Þýska sendinefndin afneitaði að um aðstoð við fjöldainnflutning væri að ræða með orðum um að það „væri lagaleg, mannúðar- og siðferðisleg skylda að bjarga mannslífum á sjó.“ Skipulagðar sjóbjörgunaraðgerðir tengjast hins vegar auknum dauðsföllum farandfólks á Miðjarðarhafi.
Búrókratarnir dansa á skýjum
Forseti framkvæmdastjórnar Evrópusambandsins, Ursula von der Leyen, fagnaði samkomulaginu og lagði áherslu á að sáttmálinn í heild ætti að vera samþykktur fyrir lok kjörtímabils Evrópuþingsins á næsta ári. Margaritis Skinas,kommissjóner sagði að „bindandi lausn hælisleitenda í skiptum á milli aðildarríkja myndu leysa alla erfiðleika og vandamál“ samkvæmt hirado.hu. Hvernig milljónir ólöglegra innflytjenda í ESB eigi að leysa „alla erfiðleika og vandamál“ með auknum glæpum, kynferðisofbeldi, efnahagslegri byrði, félagslegri spennu og trúarlegri bókstafstrú fylgdi ekki sögunni.
Vaxandi andstaða gegn hömlulausum fólksinnflutningi til ESB
Allir ESB-þingmenn styðja samt ekki áætlanir Brussel um fólksflutninga. Franski Evrópuþingmaðurinn Jean-Paul Garraud segir að:
„Fólksflutningapakki ESB ógnar fullveldi aðildarríkjanna.“
Jorge Buxadé Villalba, stjórnmálamaður spænska Íhaldsflokksins bendir á að
„Brusselstjórnin hefur ekki sett neina tölu um efri mörk á flutningi farandfólks á milli aðildarríkjanna, sem gæti leitt til ótakmarkaðrar endurbúsetu.“
Hann bendir einnig á, að innflytjendur auki ofbeldi og óöryggi í ESB og kallaði höfunda tillögunnar um innflytjendakvótann „klikkaða fjölmenningartrúboða.“
„Það eru ekki vinstrisinnaðir stjórnmálamenn sem styðja fólksflutninga sem taka afleiðingum rangra ákvarðana. Þessir stjórnmálamenn eru í raun og veru að aðstoða ólöglega fólksflutninga, sem eru milljarðaviðskipti.“
Ungverjaland og Pólland gegn eyðileggingu ESB á ríkjum Evrópu
Hér að neðan má heyra ræðu ungverska ESB-þingmannsins Balázs Hidvéghi, sem fullyrti að sá hömlulausi fólksinnflutningur sem ESB tryggir með ákvörðunum sínum, ógni verulega öryggi almennings og daglegri velferð íbúanna. Hann sagði:
„Ungverjaland mun ekki fara að byggja innflytjendagettó vegna þess að önnur lönd innan ESB verja ekki eigin landamæri.“
