Eins og bent hefur verið á, þá hefur aðalritari WHO nýlega hvatt ríkisstjórnir í þjóðum heims að setja í gang nornaveiðar gegn öllum gagnrýnisröddum vegna nýs Heimsfaraldurssáttmála og breytingar á alþjóða heilbrigðisreglugerðinni (IHR). Óttast Tedros Ghebreyesus, forstjóri WHO, að áætlun WHO um valdarán sem verður fullkomnað á fundi í maí nk. sé í hættu vegna „falsfrétta, lyga og samsæriskenninga.“ Fáir stjórnmálamenn hafa mótmælt fyrirætlunum WHO. Andstaðan kemur frá venjulegu fólki.
Sænska þingkonan Elsa Widding er af Svía hálfu helsti gagnrýnandi tillagna WHO (sjá myndskeið að neðan). Hún er hneyksluð yfir aðgerðarleysi sænskra yfirvalda:
„Að sænsk yfirvöld hafi ekki reynt að stöðva áform glóbalistanna er skammarlegt. Það er varla ekki hægt að trúa öðru en að stjórnmálamenn séu keyptir.“
Vandaðir lögfræðingar hafa farið yfir tillögurnar
WHO vísar því á bug að tillögurnar ógni fullveldi þjóða. En að sögn Elsu Widding, sem staðið hefur uppi í hárinu á sænsku ríkisstjórninni um áætlanir WHO, þá er fullyrðingin um valdatöku fullveldis þjóða á heilbrigðissviðinu ekki neitt sem hún hefur fundið upp á sjálf. Elsa Widding í viðtali við Swebbtv:
„Mjög vandaðir lögfræðingar hafa farið vandlega yfir tillögurnar. Það er enginn vafi á því um hvað málið snýst. Hins vegar verður maður að kunna að lesa til að geta kynnt sér tillögurnar.“
Tedros: Er ekki fullveldistaka þar sem þjóðirnar eru með í að skrifa lögin
Það er ljóst. Ef eitthvað fer í gegn sem sagt er vera „lýðræðislegt“ þá má halda því fram, að það ógni ekki fullveldi landsins. Tedros heldur því fram að vegna þess að aðildarríkin séu þátttakendur í ákvörðunum WHO, sé allt lýðræðislegt og engin skerðing á fullveldinu. Elsa Widding heldur áfram:
„Það stendur skýrt, að gert sé ráð fyrir að við breytum löggjöf okkar algjörlega til samræmis við þessar nýju reglur. Síðan má segja, að ef við erum svo heimsk að veita þessu ofríki enga andspyrnu, þá ógni það ekki „fullveldinu“ – þar sem við veljum að fá þessa eymd yfir okkur.“
Það verður bara að stöðva þetta
„Þannig að við verðum virkilega að vona, að okkur hafi tekist að koma í veg fyrir það núna. Mörg okkar hafa unnið hörðum höndum till þess að ná því fram. Ég hef starfað með fólki frá mörgum öðrum löndum. Það verður bara að stöðva þetta. Það er til skammar fyrir Svíþjóð að við höfum stjórnmálamenn sem ekki vilja sjá þetta. Maður trúir ekki öðru en að þær séu flestir keyptir á einn eða annan hátt.“
Hér að neðan má sjá viðtalið við Elsu Widding, Swebbtv (byrjar á 6. mínútu) og þar fyrir neðan útlistun svissneska lögfræðingsins Philipp Kruse á því, hvað tillögur Alþjóðaheilbrigðismálastofnunarinnar þýða í raun og veru:
