P-O Eriksson, verkfræðingur í tæknilegri eðlisfræði, heiðursdoktor við tækniháskólann í Luleå og fv. forstjóri Sandviken, telur það gott mál, að grænu „dýrlingaverkefni“ stjórnmálamannanna séu núna dregin í efa. Samkvæmt nýrri skýrslu með „harðri gagnrýni“ – eins og Dagens industri orðar það – ætti að leggja H2 Green Steel niður. P-O Eriksson segir í viðtali við Swebbtv (sjá myndskeið að neðan), að þeir sem kaupa dómsdagsspádóma loftslagshræðslumanna hafa „ekki lesið neitt um hvað koltvísýringur er.“
Í síðustu viku kom út gagnrýnin skýrsla sem fordæmir jarðefnalausu stálverkefnin. „Það væri gott, ef ekkert yrði af H2 Green Steel“ segir rannsakandinn Magnus Henrekson við Dagens industri. Frá þjóðfélagslegum sjónarhóli er það slæm fjárfesting. Henrik Henriksson, forstjóri H2 Green Steel, bandar málinu frá sér í DI með þeim rökum, að „plánetan sé að brenna upp og tíminn að renna út.“
Dýrlingaverkefni stjórnmálamanna
P-O Eriksson, fyrrverandi forstjóri Sandvik, tjáði sig um skýrsluna í viðtali við Swebbtv. Hann telur gott að „sannleikurinn um þessi dýrlingaverkefni“ komi í ljós. Hann segir rökin um að plánetan fuðri upp vera forkastanleg:
„Þá hafa þeir ekki lesið neitt um hvað koltvísýringur er.“
Samkvæmt Eriksson er koltvísýringur lítil, veik gróðurhúsalofttegund sem aðeins verður máttlausari:
„Þetta er eins og að mála vegg. Ef þú hefur málað hann í eitt skipti þá þarf það ekki eins mikla málningu í seinna skiptið og að lokum breytist liturinn ekkert.“
Koltvísýringur – lofttegund lífsins
Þeim mörkum hefur þegar verið náð og viðbótar koltvísýringur skiptir ekki máli. Fáir virðast hafa sett sig inn í hvað loftslagsmálin eru í raun og veru. Eriksson segir að sífellt fleiri gætu núna áttað sig á því, að „loftslagstrúin hefur algjörlega farið út af sporinu.“ Bæði fyrirtækin og ríkið hafa brennt sig á heimsendaspámennskunni. Um hin meintu áhrif koltvísýrings á loftslagið segir P-O Eriksson:
„Þau eru svo lítil miðað við þær miklu breytingar sem við höfum orðið fyrir á jörðinni. Allir útreikningar verða öðru vísi, þegar þú heldur að þú eigir fimm ár eftir, þegar við eigum í raun fimm hundruð ár eftir. Ekkert myndi virka á jörðinni ef við værum ekki með koltvísýring. Koltvísýringur er eiginlega lofttegund lífsins.“
Sjá má viðtalið hér að neðan:
