Robert Fico, forsætisráðherra Slóvakíu, heldur því fram að Úkraínustríðið hafi hafist árið 2014 með útbreiðslu nýnasismans í Úkraínu, að því er Remix News greinir frá.
Áður var Slóvakía eindreginn stuðningsmaður áætlunar Bandaríkjanna og ESB um reka Rússland út úr Úkraínu. En þegar Fobert Fico komst til valda eftir kosningarnar síðasta haust, þá hefur verið tekin upp afstaða sem minnir á nágrannaríkið Ungverjaland: Fico talar fyrir vopnahléi og friðarsamkomulagi til að koma í veg fyrir frekari blóðsúthellingar.
Nýnasistar studdir af Bandaríkjunum frömdu valdaránið gegn lýðræðislega kjörnum forseta Úkraínu ár 2014
Í myndbandsskilaboðum á tveggja ára afmæli innrásar Rússa í Úkraínu árið 2022 segir Robert Fico, að stríðið hafi byrjað þegar árið 2014 með valdaráni gegn lýðræðislega kjörnum forseta Úkraínu, Viktor Janúkóvítsj. Valdaránið var framkvæmt af herskáum hreyfingum nýnasista sem Bandaríkin og erlendir frjálshyggjumenn studdu. Fico sagði:
„Þetta stríð hófst þegar árið 2014 með hömlulausri útbreiðslu úkraínskra nýnasista. Málið er, að Rússar voru blekktir til að halda að Nató myndi ekki stækka frekar í austurveg. Í dag hefur Nató gengið svo langt að opna dyrnar fyrir Úkraínu til að gerast aðili að Nató.“
Svikin loforð Nató „góður grundvöllur“ þriðju heimsstyrjaldarinnar
Að sögn Fico ættu bæði Moskvu og Kænugarður að að ná samkomulagi um gagnkvæma öryggistryggingu, þar sem engin hernaðarlausn er til á deilunni. Fico segir:
„Rússar hafa ítrekað verið blekktir með tryggingum um að Nató muni ekki stækka frekar sem er „góður grundvöllur“ fyrir þriðju heimsstyrjöldina.“
„Við verðum að samræma þessi samskipti við Rússland. Hvað eigum við annars að gera? Setja upp járntjaldið aftur? Járntjald einhvers staðar við landamæri Úkraínu og Rússlands? Af hverju væri það svo gott?“
Hér að neðan gerir Robert Fico, forsætisráðherra Slóvakíu, grein fyrir afstöðu sinni:
